Home Salud Malesa di Sucu no ta djis pa hende riba 60 aña sino...

Malesa di Sucu no ta djis pa hende riba 60 aña sino pa hende hoben tambe

10
0
SHARE
- Advertisement -

ORANJESTAD (AAN): Manera DIARIO a trece dilanti numeroso biaha caba, ta bay saca foyeto cu informacion valioso encuanto Diabetes.

E plataforma di salud a wordo crea pa tin unidad Minister Alex Schwengle e proyecto aki di crea pamfletanan di salud, ta un di e metanan cu gobierno y salud publico tabata tin pa cuminsa tin materialnan pa informa e pueblo atraves di e plataforma di salud.

E plataforma di salud ta pa crea unidad. Unidad den vision, unidad den pensamento, unidad den trahamento. Ta pesey a bin cu e plataforma di promocion di salud ta un plataforma cu e idea cu nos ta sinta hunto y pa papia di diferente tema. Y tambe pa sali, vooral ora di duna informacion, pa e informacion ta bon y pa no tin confusion.

Si tin diferente sorto di folder y si e informacion no ta cuadra cu otro, e ora e pashent no sa ken pa kere.

Esey tabata e idea tras di e plataforma. Minister Schwengle a gracidi Aruba Lions Club, cu a yuda den crea e plataforma aki.

Aruba no tin un leescultuur pero esey mester wordo stimula na scolnan. Apart di esey, e website di departamento di salud mester wordo ehecuta ainda. E ta na top di e wishlist y na momento cu esey ta un realidad, tur informacion lo bay riba e website na un forma digital. Ora cu tin un campaña specifico lo por usa rednan social pa boost e informacion pa asina e informacion yega na e poblacion y principalmente e poblacion hoben.

Mester tene cuenta cu e malesa di sucu no ta pa hende riba 60 aña, pero tambe pa hendenan hoben. Pues ta bon pa nan sa, y pa nan tin e informacion necesario pa cuida nan mes lo mas miho posibel.

Tur cos ta cuminsa cu’n bon educacion. Ta pesey e foyeto aki tey, pero e proyecto di scol saludabel.

Segun e minister, no tin un miho programa preventivo pa Aruba, cu un scol saludabel. El a cuminsa como pilot na 2012, pero esey a cambia. Awo e stuurgroep ta wordo pusha for di Directie Volksgezondheid, conhuntamente cu e otro partnernan, e.o. Onderwijs.

Minister Schwengle ta kere cu ora cu e scol saludabel ta funciona na tur scol, na termino largo lo duna su frutonan. E no ta bay duna su fruto di biaha, pero e lo duna su fruto aki 10 pa 15 aña. Pueblo hopi biaha kier quick wins. Pero lastimamente cu mayoria di nos problemanan den salubridad ta problemanan cronico y structural cual ta rekeri di tempo. Solucionnan adhoc, quick fix cu bo ta purba bin cun’e, e por alivia e dolor den cuater aña, tur e inversion den cuater aña ta bay perdi, segun dr. Alex Schwengle, minister di Salubridad Publico.

 

- Advertisement -

DUNA COMENTARIO

Please enter your comment!
Please enter your name here