Home Tempo Maria a bira Horcan y Diamars lo pasa cerca di St. Maarten

Maria a bira Horcan y Diamars lo pasa cerca di St. Maarten

434
0
SHARE
- Advertisement -

ORANJESTAD (AAN): Tempo pa awe na Aruba, ta mustra cu temperatura maximo lo ta 34ºC y minimo ta 28ºC.  E aire den region ta relativamente seco, sinembargo humedad por bira net suficiente den madruga pa mainta, y produci un awacero pasahero.

Cielo ta parcialmente nubla y algun caminda cu awacero pasahero.

Biento ta modera for di Oost-Noordoost y Oost-Zuidoost entre 12 y 30 km/h.  Tin biaha den dia e lo tin rafaga basta fuerte te posiblemente fuerte entre 31 y 50 km/h.

Lama lo tin ola for di direccion noordoost entre 3 pia te 5 pia.

Horcan José tabata situa na Oceano Atlantico ainda, zuidoost di Cape Hatteras (North Carolina), y tabata moviendo direccion nort.  José no ta un peligro pa region di Aruba.

Tormenta Tropical Lee a debilita, y a bira bek un Depresion Tropical.  Lee tabata Diadomingo atardi 5:00 pm na 13.2ºN y 37.3ºW.  E ta move west riba awanan di Atlantico, y ta solamente un molester pa nabegacion maritimo.

Maria a bira Diadomingo atardi un Horcan di Categoria 1, y pa 5:00 pm tabata situa na 13.8ºN y 57.5º W.  Esaki ta como 445 km Oost-Zuidoost di Dominica.  Bientonan maximo sosteni ta di 120 km/h.

E ta moviendo aworaki West-Noordwest cu 24 km/h.

Gobiernonan di Antigua y Barbuda, a emiti un Hurricane Warning pa St. Kitts, Nevis, y Montserrat.  Tropical Storm Warning tey pa Antigua & Barbuda.  Hurricane Warning ta valido pa Guadeloupe, y Dominica.

Gobierno Hulandes a emiti un Tropical Storm Warning pa Saba y St. Eustatius.

Hurricane Watch a wordo emiti pa US Virgin Islands.  Tambe pa British Virgin Islands.  St. Maarten, St. Martin, St. Barthelemy, y Anguilla.

Sea awe Dialuna anochi of Diamars mainta, Horcan Maria lo por aumenta su forza y bira Categoria 2.

 

- Advertisement -

DUNA COMENTARIO

Please enter your comment!
Please enter your name here