Home Tempo Maria ya caba a bira Horcan Categoria 5

Maria ya caba a bira Horcan Categoria 5

219
0
SHARE
- Advertisement -

ORANJESTAD (AAN): E pronostico ta cu riba Diamars kizas e lo bira Horcan Categoria 2.  Sinembargo ya caba Horcan Maria tabatin otro meta, y Dialuna caba a crece bira Categoria 2, sigui pa Categoria 3, y atardi ya ta na Categoria 4.  (Anochi el a bira Categoria 5)

Su cono di cobertura a bira inmensamente grandi.

Dialuna atardi 5:00 pm, Horcan Maria tabata na 15.1ºN y 60.7ºW.  Esaki tabata como 70 km Oost-Zuidoost di Dominica.

Horcan Maria tabatin bientonan sosteni di como 215 km/h.  E ta moviendo direccion West-Noordwest cu 15 km/h.

Horcan Maria a bira un tormenta extremamente peligroso.  Ayeratardi y anochi su wowo a pasa casi cerca Dominica.

Islanan Ariba lo bay haya di dos sota di un Horcan grandi den menos di dos siman.  E weather-radar di Barbados a detecta con e banchinan tabata basha sin stop riba diferente isla, mientras e ta moviendo direccion Dominica.

Pero e wowo lo pasa leu di e otro islanan cu a wordo destrui dos siman pasa.  Pues e islanan cu lo haya menos biento y lo no sufri di e wowo di Maria e biaha aki ta St. Maarten, Barbuda, Anguilla, St. Martin, y St. Barthelemy.

Despues di esey e ta rumbo pa Puerto Rico.  Prome cu esey, e wowo lo bay pasa hopi cerca di US Virgin Islands riba Diamars anochi y Diaranzon mainta.  Ya caba habitantenan di Puerto Rico ta bolbe pone proteccion rond di nan cas.

ULTIMO ORA:  Dialuna anochi 8:00 pm, ya caba Horcan Maria a intensifica y a converti su mes den Horcan Categoria 5, y tabata destroza Dominica sin piedad.

 

- Advertisement -

DUNA COMENTARIO

Please enter your comment!
Please enter your name here