Home Tempo Meteo ta keda manda alertanan relaciona cu ola di calor

Meteo ta keda manda alertanan relaciona cu ola di calor

82
0
SHARE
- Advertisement -

ORANJESTAD   (AAN): Director di Meteo, Marck Oduber, ta papia con nan ta analisa esaki y con e lo bay ta den e resto di dianan nos dilanti. Ainda ta mantene e aviso aki, aunke biento a bin bek, pero e temperaturanan ta keda toch basta halto.

Awendia, no ta manera un Aruba di antes. Tin cierto caminda, door cu e biento no ta circula bon y temperatura toch basta halto, manera entre 34 y 35 grado Celsius y combina cu humedad halto, ta pone cu e temperatura aparentemente ta keda hopi halto. Aunke cu tin biento, si bo ta den openlucht, e ta yuda, pero manera cu bo sali for di openlucht e no ta yuda. Pero si bo sali bek den openlucht, bo ta bay bek den solo.

Un motibo principal cu ta wak cu e calor ta keda mantene su mes, ta manera si mira e pantaya cu e temperatura di lama cu ta midi na waf, ongeveer 2 meter di profundidad di lama, a yega casi 30 grado Celsius.

Esey ta yuda cu e temperatura minimo di bo minimo di bo isla no ta baha y esey ta un paso caba di ta basta calor. Esey ta haci e temperatura ta hopi halto den dia y e minimo anochi no ta mucho abao.

Pesey a mantene e aviso di calor.

Aunke tin biento, ta keda calor pasobra e temperatura di superficie ta bastante calor, temperatura den lama rond di Aruba tambe tabata calor. Esey tabata yuda cu e molester di calor ta keda y a keda mantene e aviso di calor. E ta indicabo cu e temperaturanan ta basta halto.

Maximo tabata 34 pa 35 grado celsius, combina cu humedad ta pone cu Curpa humano por sinti un calor di riba 40 grado Celsius. Esey ta haci cu pa muchanan chikito, hendenan grandi of personanan cu ta sinti curason, cu mester tene hopi cautela, pasobra e temperaturanan aki ta hopi fastioso.

No ta tur ora biento ta yuda, pasobra e temperatura ta hopi halto. Tin biento, pero door di haltura di temperatura, y tambe ta haya hopi construccion awendia, ta kibra e fluho di biento, por haya cierto caminda cu biento no ta haci su efecto mesun bon, manera cu tabata antes.

Y tambe ta calor. Ta recomenda cu ora solo ta halto, specialmente entre 10’or di mainta pa 4’or di atardi, pa ta mucho den solo. Si ta den solo, uza un bon sunscreen lotion. Paga tino tambe cu tin cu bebe hopi awa, pasobra e temperatura aparente, ta hopi halto, riba 40, cu por ta un peliger pa persona, door cu ta hopi calor mes.

Kico mas tin cu tene cuenta cune

Oduber a splica cu ta wanta e aviso aki pa henter siman, ta calor y temperaturanan ta keda halto. Chens di yobida ta chikito, pero e temperatura ta keda halto. Pesey ta mantene e aviso di calor pa e proximo dianan cu tin nos dilanti.

- Advertisement -

DUNA COMENTARIO

Please enter your comment!
Please enter your name here