Home Politica Miembronan di POR ta enfoca riba informa comunidad y no intimida comunidad

Miembronan di POR ta enfoca riba informa comunidad y no intimida comunidad

91
0
SHARE
- Advertisement -

Lider di POR Otmar Oduber

ORANJESTAD (AAN): Lider di Partido POR Otmar Oduber durante fin di siman tabata den diferente bario y a haci diferente bishita. Un di e puntonan cu a resalta ta encera e interes pa ricibi informacion di nos plan di gobernacion pero tambe cu falta un poco mas cu 2 siman pa eleccion.

Segun e dianan ta bira menos y e fecha 22 di september ta yegando mas cerca, ta mas y mas actonan di intimidacion ta tuma luga di contrincantenan politico, algo cu ta inacceptabel y cual POR ta rechasa.

Apesar di esaki POR ta mas determina y pueblo ta mas convenci cu un cambio mester tuma luga.

Nos partido a conentra durante di e ultimo lunanan aki y sigur durante di e ultimo siman aki hopi riba locual cu ta biba den comunidad. Partido POR tabata un ehempel pa hopi otro partido a traves di nos programanan di accion.

POR a scucha grupo grandi di hendenan y instancianan den nos comunidad (contrario na con e tabata worde atende antes). Esaki a conduci na yega na nos plan di gobernacion ‘vision 17 – 21 Hunto Nos Por’ caminda cu e puntonan cu a worde atendi den e programa ta  netamente prioridad di nos comunidad riba diferente tema.

POR a papia na diferente ocasion riba e inseguridad cu tin den comunidad y como tambe e falta di acceso medico entre e topiconan di prioridad. Den nos programa Vision 17-21 Hunto Nos Por ta adresa na un forma detaya, con lo atende cu e puntonan aki.

Lamentablemente nos no ta mira e interes di otro partidonan pa atende riba e inkietudnan aki cu ta prioridad den nos comunidad. Sinembargo tur dia ta mira con intimidacionnan ta tuma luga. Cierto momento hasta mentiranan ta keda worde uza como si fuera cu esey ta encera henter nan plan di campaña pa gana voto.

 

- Advertisement -

DUNA COMENTARIO

Please enter your comment!
Please enter your name here