Home Enseñanza Minister Hooyboer mustrando cu tabata un privilegio pa traha cu Universidad di...

Minister Hooyboer mustrando cu tabata un privilegio pa traha cu Universidad di Aruba

18
0
SHARE
- Advertisement -

ORANJESTAD (AAN): Gobernador di Aruba, Hunta di Directiva, Rector, Decano, studiantenan y invitadonan, un feliz anochi pa boso. E ta un honor pa mi por t’ey awe nochi aki cu boso un biaha mas. Awe nochi ta un oportunidad cu mi persona por join boso nan pa celebra e apertura di un aña academico nobo na Universidad di Aruba, y tambe un oportunidad pa mi por despedi, door cu mi ta drentando mi ultimo simannan como Minister di Enseñansa.

Ora mi a reflexiona den mi ultimo 4 añanan como Minister di Enseñansa, mi ta sinti un gran privilegio, cu mi por tabatin e oportunidad di traha hunto cu Universidad di Aruba den e progreso continuo di e institucion aki y mas cu tur cos, pa e progreso di nos isla.

Desde lansamento di e Double Degree Program cu Universidad di Maastricht, un acuerdo firma di un MoU cu e Facultad di Derecho de Osgoode Hall, e acreditacion logra pa varios di e facultadnan di Universidad, y e lansamento di e Aña di e Fundacion Academico y, unda nos a duna e bon bini na Prinses Beatrix durante e debate hubenil, tabata un gran honor cu mi persona por a participa den tur e ocasionnan importante aki cu boso.

Apesar di tur cos y den e cuadro di e 4 añanan, tabata e oportunidadnan cu mi persona tabata por a papia y scucha e studiantenan specialmente over di nan aspiracionnan y soñonan pa e futuro. Ta e preparacion pa e bida di e studiantenan aki cu nan lo ricibi na e Universidad aki cu lo yuda na duna nan futuro un forma, pero tambe na e futuro di Aruba.

Durante mesa rondo den e siman aki na e EduCanada Fair, e siguiente pregunta a ser haci: Kico ta e habilidadnan cu nos mester siña den nos educacion superior  pa nos por cumpli cu e demanda nan cu lo tin pa futuro? Nos oradornan a enfoca riba algun habilidad specifico basa ariba tecnologia y nan a purba premira cua ta e carera nan cu lo t’ey wardando pa nos graduadonan.

Un orador a papia over di lenguahe y a sugeri pa nos laga Papiamento un banda y pa nos concentra unicamente na e Hulandes como nos idioma di instruccion desde kleuter te enseñansa secundario, pa asina nos prepara nos studiantenan mas miho pa asina nan por tin exito den nan educacion superior na un Pais manera Hulanda.

Lamentablemente mi persona no a forma parti di e panel y mi no por a expresa mi desacoerdo cu e declaracion aki en particular. Pero tabata e contesta cu Dan Seneker di e Universidad di Bishop cu a papia mas cu mi. el a bisa cu nos mester prepara e studiantenan pa nan por pensa mas critico y no tuma of busca informacion pacificamente. Esaki lo prepara e studiante nan pa cualkier trabao of carera cu nan scoge pa nan studia.

Pero, Kico nos ta compronde bou di pensamento critico? Mi ta kere e miho definicion pa pensamento critico ta e aplicacion intencional di habilidad pensamento, ordo superior, manera analisa, por reconoce problema y tambe tin solucion pa e problema nan. Tin pensamento critico ta e capacidad di pensa over di nos pensamento propio y di tal manera cu nos ta reconoce nos fortaleza y debilidad nan como resultado, nos ta reforma nos pensamento nan di e miho forma.

Mi ta kere cu hopi biaha nos ta confundi e pensamento critico cu e capacidad di critica of simplemente nos ta cuestiona tur cos y tur hende. E pensamento critico ta consisti na cuestiona nos propio manera di pensa con e mundo ta draai rond di nos y e capacidad di evalua e validez di algo cu ta presenta cerca nos. Dan Seneker a conclui pa bisa: Den mundo di noticia falso y echonan alternativa, nos mester educa e studiantenan pa nan por bira ciudadanonan cu ta tuma un pauze prome cu nos acepta e version di realidad di un persona y bisa nan mes: Esaki tin sentido? Mi ta kere cu pa nos comunidad chikito esaki ta crucial na cualkier momento y hasta mas ainda durante eleccion.

Tin un pensamento critico, pa resolve problema, traha den ekipo y tin inteligencia emocional halto. Esaki nan ta atributonan cu dunadonan di trabao ta busca, independientemente di e industria, y nan lo ta e habilidadnan pa futuro cu lo yuda nos studiantenan tambe.

Den e ultimo 4 aña, mi tin e pensamento firme pa crea un sistema di educacion mas equitativo, cu ta reconoce e capacidadnan individual di cada alumno y pa asina duna espacio pa asina tur studiantenan tin exito pa nan por logra e metanan cu nan ta pone den nan educacion, mester ta primordial den educacion politico. Esaki ta diferente den un sistema cu ta trata tur hende igual.

Un sistema di igualdad ta midi tur hende cu e mesun criterio y generalmente basa ariba e gemiddelde di tur studiante. Y e sistema di filosofia aki ta laga hopi studiantenan cu e pensamento cu no tur hende por haci esaki.

Ami personalmente no ta comparti e pensamento aki y por lo tanto durante e ultimo 4 añanan, mi ekipo y mi persona a haci tur cos posibel pa asina cambia nos sistema pa uno mas inclusivo y mi ta kere cu e exito por ser comparti cu tur studiante. Tambe, cu e ta importante pa satisface tur e necesidadnan di e studiantenan, nos tin cu ofrece varios trayectorianan den educacion; den otro palabra, nos no por confia solamente den 1 solo sistema, esun existente, pa asina satisface e necesidadnan educativo di tur e studiantenan.

International Baccalaureate (IB), e GED, e pista nan di hybrid y e Aña di e Fundacion Academico ta algun di e forma nan cu nos por cana pa nos tin exito. Awor mi ta reconoce cu no ta tur hende ta comparti e idea aki, y den algun caso e tabata duro y a bay mas poco poco pa trece cambio. Pero mi ta kere cu e exito di e studiantenan aki cu pa tur cuenta no mester tabata tin exito y cu e probabilidadnan tabata den nan contra y cu nan triunfo final ta locual lo bay inspira pa asina por tin mas cambio. Mi desea sincero pa e proximo Minister di Enseñansa ta comparti e mesun pensamento nan aki y ta continua pa haci e cambionan necesario pa crea exito pa tur studiante.

Mi ta laga boso cu e pensamento final aki. Mi ta kere cu e tarea di Universidad di Aruba mester ta pa enfoca pa prepara nos studiantenan pa nabega exitosamente durante e 3 etapanan pa un bida satisfactorio: Siña, Gana, Debolbe. Esaki ta describi e añanan di nos bida cu nos a pasa na school, den nos carera, y na debolbe na nos comunidad.

Siña: Crea un ambiente pa studia progresivo cu ta permiti e studiantenan explora varios tema y pa haci uzo di cada oportunidad pa siña. Nos kier pa e studiantenan ta apasiona pa nan studio y pa nan por tin e sed pa  conocemento a lo largo den nan bida, pero specialmente den e añanan cu nan lo atende na Universidad di Aruba.

Gana: Pa nos por inculca den nan e habilidadnan clave pa sigura nan carera asina cu nan gradua, sea den nan area di studio, of den otro industria unda cu tin carera disponibel asina cu nan gradua. Den otro palabra, prepara nan pa nan ta flexibel, pa asina nan porta prepara pa e Mercado futuro. Yuda e studiantenan compronde e importancia di trabao duro y pa e studiantenan compronde e importancia di etica di trabao, cu lo ta e compas pa nan carera. Y siña nan pa nan sa e diferencia den haci pregunta corecto versus pa cuestiona.

Debolbe: Universidad di Aruba tin e potencial pa inspira e studiantenan pa reconoce cu cada uno tin nan responsabilidad cu cada uno tin pa nan comunidad, tanto den manera di material y inmaterial, cu lo permanece cu nan despues cu nan gradua y cu nan sali di e lokaal aki. Si Universidad brasa e manta di Siña, Gana y debolbe, Ami ta kere cu nos lo tin exito tanto como un institucion di educacion masha halto, y como un comunidad cu ta busca un proposito mutuo.

Danki pa e oportunidad cu mi por a dirigi mi mes na boso awe nochi. Y cu hopi gratitud, mi ta declara e Aña Academico 2017-2018 di Universidad di Aruba oficialmente habri.

- Advertisement -

DUNA COMENTARIO

Please enter your comment!
Please enter your name here