Home Suceso Muher su cabez a flip y destrui full un auto den parkinglot...

Muher su cabez a flip y destrui full un auto den parkinglot di Hospital

1123
0
SHARE
- Advertisement -

ORANJESTAD (AAN): Full un drama a keda registra Diamars atardi riba parkinglot di Dr. Horacio Oduber Hospital.

E bon noticia ta cu Security Guards di Hospital mes a actua y stop un muher cu tabata full for di control.

Tur cos a cuminza ora cu testigonan a mira un muher baha for di un auto, bay riba un vehiculo staciona eynan y a cuminza destrui esaki di tur angelo.

E sonido di destruccion tabata fuerte, y Oficialnan di Security a scucha e desordo, y nan a hisa cabez y mira e movimento aki andando, y di biaha a drenta accion y raporta na Polis.

E muher señora a kibra tur e glasnan, y windshield di e Toyota Tercel color shinishi cu number A-49466 cu tabata staciona.

Pero esey no ta tur!  El a pasa man pa un gasolin, y a cuminza basha e combustible full rond riba e Tercel, cu intencion pa kima esaki, sin preocupa cu e demas autonan staciona eybanda, ni cu tin hende den vecindario.

Aki ta unda cu Security a logra wanta e muher, y bon mes cu Polisnan a yega basta lihe y asina mira e situacion.

Nan a detene e muher cu tabata hari na forma sarcastico cu tur hende.  El a keda deteni pa destruccion y casi causa tragedia dilanti hospital.

A bay busca e doño di e Tercel cu ta den hospital y topa cune pa e entrega keho y Recherche cu departamento forensico di polis tambe tabata na e lugar.

- Advertisement -

DUNA COMENTARIO

Please enter your comment!
Please enter your name here