Home Cultura Na October lo tin workshop di pintura y dibuho na Ateliers ‘89

Na October lo tin workshop di pintura y dibuho na Ateliers ‘89

24
0
SHARE
- Advertisement -

ORANJESTAD (AAN): “Textiel Hottie” ta e siguiente workshop di pintura y dibujo na Ateliers ’89 Academia di Bellas Artes Aruba. Cuminsando Dialuna 9 di Oktober 2017 pa 6.30pm

Back to Basics part 1:  Workshop di pintura “Textile Hottie” pa e artista maestra procedente di Hulanda, Tanja Ritterbex.

Ateliers ’89 ta orguyoso cu e ganadora di e prome premio di pintura yama “Koninklijke Prijs” na Hulanda, esta e artista maestra, señora Tanja Ritterbex, ta bin Aruba pa duna les na Ateliers ’89.

Aunke Tanja Ritterbex ta un pintora, su trabao artistico semper ta varia ariba e tereno scherpi di e otro diciplinanan, manera escultura y performance. Door di esaki e sa di mantene su trabao artistico di pintura fresco y den movecion cu diferente acontesimiento inespera. Esaki tambe nos ta bay experencia den e workshop aki “Textile Hottie” na unda prome cu tur cos lo puntra e participantenan si nan por traha un “wandtapijt” simpel,(tapijt pa colga na muraya).

E imagen cu esaki lo produci y ta refleha lo bay worde investiga y pinta den diferente manera durante e workshop. Di e manera aki e participantenan ta worde poni den un “challenge” pa nan sali for di nan “comfort zone” di pintamento y discubri maneranan nobo di pintamento bou guia de e master den pintamento Tanja Ritterbex. Como cu Tanja lo guia personalmente cada participante ariba nan mes un nivel ta haci cu e workshop aki uno pa un y tur, pintornan avansa y aspirantenan.

Tanja Ritterbex a studia y gradua na e academia di arte di Maastricht Hulanda y a sigui despues di esaki na e renombra post academia di Dusseldorf Alemania y tambe na Ateliers na Amsterdam Hulanda. el a worde puntra na varios ocasión pa bay den residencia na varios pais, por ehempel na Harare, Zimbabwe y Tel Aviv, Israel.

Tanja a gana varios premio, entre otro na 2016 for di man di Rey Willem Alexander mes e Konijnlijke Prijs pa pintura autonomo. Su trabao artistico a worde cumpra pa difrente museo y coleccionistanan di diferente institutonan y industria y ta worde expone na diferente lugar internacionalmente. E verano aki na Brazil y prome cu bin Aruba e ta biaha pa Moscu, Rusia pa un exposición di su trabao di arte. E ta biba y traha na Berlin, Alemania.

E workshop aki ta e prome parti di dos workshop cu lo sigui otro, esta pintura y dibuho bou di e titulo back to basic, cual ta basa ariba e principionan di pintura. E workshop aki ta haci posibel door di e generoso donacion di Prins Bernhard Cultuurfonds Seccion Caribe y tambe UNOCA.

Ambos workshop ta un luna largo y ta pa un y tur cu kier siña pinta ariba un nivel profesional. Dianan di trabao ta di Dialuna pa Diahuebs for di 6.30 pa 9.30pm. Edad ta for di 12 aña pariba. Pa inscribi por mail elvis@ateliers89.com . Ateliers ’89 ta situa na man drechi ariba e crusada di Maria College na Playa. Inscribi awor ya cu cuponan ta limita.

 

- Advertisement -

DUNA COMENTARIO

Please enter your comment!
Please enter your name here