Home Comentario No laga sosode na Aruba loke ta pasando den Caribe

No laga sosode na Aruba loke ta pasando den Caribe

84
0
SHARE
- Advertisement -

Remitido

Te ainda hendenan no ta mira y no kier tende di e amor tan grandi di nos Señor Hesus y di Mama Maria den aparicionnan aki na Aruba

A pasa hopi aña y te ainda hendenan di Aruba cu nan curasonnan duro no kier tende y no kier acepta cu Señor Hesus y Mama Maria ta aparece aki nan na Aruba.

Pakico hendenan no ta mira e amor tan grandi di Dios cu a scoge Aruba pa trece Su mensahenan pa mundo henter? Ta na unda e amor pa Dios a keda den nos curasonnan? Señor Hesus y Mama Maria ta apareciendo na tur parti di mundo y pakico aki na Aruba no y cu nos curazonnan sera no ta reconoce e realidad aki?

Señor Dios ta bibo y Dios kier bin cerca nos publicamente den aparicionnan pa medio di un profeta cu Dios mes a scoge, anto ta pakico e hendenan di Aruba no ta mira e amor tan grandi di Dios aki?

Mensahenan di Dios ta hopi importante pa nos alma y salbacion, pasobra ta Dios mes kier trece Su mensahenan di amor pa nos personalmente pa medio di Su profetanan den aparicionnan. Nos no ta mira rond di nos na mundo di loke ta sosode den Caribe, na Mexico, na Venezuela, na Merca cu Zuid-Korea etc., na unda ta sosode desasternan natural, mortonan, hendenan desampara, hamber, violencia, guerra etc.

Nos no ta mira cu e temponan dificil y destruccionnan cu ta bini nos dilanti? Nos no ta mira cu henter mundo ta bay pasa den un tribulacion di mas grandi, prome cu e purificacion di mundo? Tur loke ta sosode actualmente ta destruccionnan Apocaliptico cu mester sosode y hopi mas ta na caminda y no tin tempo pa drecha y pa reestablece. Tur esakinan ta sosode, pasobra hendenan na mundo ta bibando sin Dios den un mundo di pica.

Pakico Nos Señor Hesu-Cristo mes ta bini cerca nos personalmente aki na mundo den aparicionnan y mensahenan? Pasobra Cristo-Hesus kier scapa y salba mas tanto almanan posibel cu ta bay perdi den fierno, pa motibo di nan bida di pica, bida desaregla, biba den libertinahe di fornicacion, biba den adulterio, famianan kibra, biba den picanan deshonesto (homosexualnan etc., esnan den droga, den alcohol y paranda, esnan den sectanan satanico masoneria, hendenan cu no ta cumpli cu Dios Su 10 mandamentonan, hendenan cu no ta cumpli cu 7 Sacramentonan, hendenan no ta bay Misa mas, hendenan ta biba pa biba sin Dios etc.

Pesey hendenan di Aruba mester comprende, no ta ponada cu Dios a scoge un isla asina chikito Aruba, pa aparece y pa trece Su mensahenan di advertencia, di spiertamento y di preparacion, pasobra den porcentahe Aruba tin mas hopi pica ta sosode compara cu e otro paisnan grandi. Pesey habri boso wowonan prome cu ta laat y no laga algo sosode aki na Aruba manera ta sosode den e otro islanan di Caribe y na Mexico etc..

Corda bon, no ta pornada cu Señor Hesus y Mama Maria ta aparece aki na Aruba na Koyari. Corda bon, ya ta haci 19 aña cu Señor Hesus y Mama Maria ta aparece na un señora Valerie Perez, cu Señor Hesus mes a scoge y tur luna tin mensahenan, no pa Aruba so, pero pa henter mundo.

Laga nos bay na e lugar tan bunita y bendiciona Koyari 13-B pa resa. Tur diasabra pa 8.00 di anochi tin oracion di Santo Rosario y tambe Vidente Valerie ta papia cu tur hende. Aparicionnan di Mama Maria ta sosode publicamente tur 25 di cada luna y ta resa e Santo Rosario pa 8.00 di anochi.

Nos ta mira loke ta sosode rond di nos den Caribe y di loke ta sosode na Venezuela. No laga algo grandi sosode aki na Aruba, anto e ora ey si hendenan ta bay kere y ta pidi pordon, pero e ora ey ta hopi laat.

Un persona cu tin un amor tan grandi pa senjor Hesu-Cristo y pa Mama Maria.

 

Un Catolico.

- Advertisement -

DUNA COMENTARIO

Please enter your comment!
Please enter your name here