Home Salud Pereira y Aruba a estrecha relacionnan

Pereira y Aruba a estrecha relacionnan

49
0
SHARE
- Advertisement -

ORANJESTAD (AAN) – E Camara di Comercio di Pereira a firma un convenio di cooperacion internacional cu e Asociacion di Comercio y Industria di Aruba (ATIA), entidad gremial di e pais Caribeño aki, cu ta conta cu mas di 70 aña di funcionamento.

Esaki tin di haber cu un plan di articulacion inter-institucional cu ta busca posiciona Pereira como un teritorio optimal, competitivo y cu bentahanan comparativo pa e ta receptor di tur tipo di inversion.

Mauricio Vega Lemus, Presidente ehecutivo di e Camara di Comercio di Pereira, a informa cu e pilarnan di e alianza lo gira rond di turismo, salud y inversion.

“Den turismo Aruba ta un hungado importante na nivel mundial. Na Risaralda nos tiin un turismo complementario na esun di solo y beach cu boso ta maneha aya; akinan nos ta ofrece naturaleza pa locual mester probecha e Paisahe Cultural Cafetero (PCC), Patrimonio mundal door di Unesco”, el a expresa.

El a agrega: “E lo ta un porta nobo cu ta habri na Risaralda como un destino pa e turismo na unda ta wordo calcula cu 3000 bishitante, pa aña 2020, lo yega e region procedente di Aruba.

“Mester habri e portanan di PCC pa e habitantenan di Aruba conoce nos destino. Tambe e habitantenan di e Eje Cafetero lo yega na un pais destaca na nivel di turismo vocacional” Mauricio Vega a indica.

Pa logra esaki, Mauricio Vega a compromete e Presidente di ATIA sr. Ronald Van Trigt, pa for di Pereira tin un frecuencia aereo pa e Isla Caribeño aki. “A keda habri e posibilidad di impulsa un vuelo directo cu e obhetivo di dinamiza asina aki e relacionnan entre ambos destino”, e lider gremial a señala.

Manera e turismo lo pone Risaralda y Pereira sona na Aruba, e inversion tambe ta forma parti di e alianza aki. E afianzamento di e relacionnan aki no solamente lo implica un movilizacion di turista na e region, sino e posibilidad cu empresanan nobo yega y eynan e hoteleria lo por lidera e proceso aki.

Segun Vega Lemus, aki poco dia lo anuncia un convenio cu un pais Europeo cu, coincidencialmente, tin relacion directo cu Aruba.

“Lo firma un acuerdo cu e reino di e Paisnan Baho y su asociacion di municipio cu ta mira Pereira cu un interes special debi cu e ta den e marco di ciudadnan sostenible y competitivo di e Banco Interamericano di Desaroyo” Vega Lemus a puntualiza.

Presidente di ATIA:

E presidente di ATIA, Ronald Van Trigt, a splica cu tanto pa Aruba como pa e Paisaje Cultural Cafetero, un convenio di e tipo aki lo ta totalmente provechoso, ya cu e idea ta traha conhuntamente pa gestiona proyectonan cu ta permiti traha na interes comun.

“Nos kier ta un brug entre ambos pais, nos tin un gran conectividad cu e mundo; e idea ta cu personanan di Colombia conoce nos region y cu e Arubianonan, pero specialmente e turistanan Europeo cu ta bishita nos pais y cu ta amante di e turismo ecologico, tin e posibilidad di conoce e region cafetera” Van Trigt a agrega.

“E proposito ta haya un mihor conectividad, apesar cu biaha awe na e zona aki ta mas facil, mester crea e brugnan necesario pa esaki yega direct. Colombia na nivel general y e region cafetera tin hopi posibilidad turistico y na Aruba e posibilidadnan aki ta wordo habri; e turista Europeo ta interesa den asuntonan di conservacion di ave y demas”, Van Trigt a conclui, durante su bishita na Pereira.

- Advertisement -

DUNA COMENTARIO

Please enter your comment!
Please enter your name here