Home Politica POR a ratifica na gobernador e posicion di nan partido di no...

POR a ratifica na gobernador e posicion di nan partido di no forma un gobierno cu AVP

600
0
SHARE
- Advertisement -

Otmar Oduber:

ORANJESTAD   (AAN):   Otmar Oduber a reuni dialuna cu Gobernador Alfonso Boekhoudt y e a bisa cu e reunion a bay den un ambiente ameno unda a repasa e resultado di eleccion y e proceso cu tabata tin pa yega na e resultado aki.

Di parti di POR a pone enfasis riba e parti di e norma y balornan cu nan ta sinti cu tin un deber hopi grandi pa bay atende cun’e pa den futuro por evita cu den politica por degenera.

Pa loke ta e resultado di diabierna a indica cu nan ta hopi contento cu dos asiento. E resultado tabata cla cu pueblo a rechaza un gobierno y a bay atras cu 4 asiento. Nan partido mes, un partido nobo a haya 2 asiento mientras cu MEP a crece cu 2 asiento y partido RED a haya un asiento. Esaki ta un refleho cu pueblo kier mira un cambio.

Esey a combersa basta rato cu gobernador riba e aspecto di integridad y transparencia den gobernacion cu mester bay wordo crea, Oduber a expresa.

POR a ratifica na Gobernador e posicion di nan partido. POR no ta mira ningun posibilidad pa por forma un gobierno cu partido AVP. “E rechazo tabata demasiado grandi pa e partido. 10 mil voto ta hopi. 4 asiento a bay atras y ta un lenguahe cla di pueblo cu nan kier mira un cambio.

Pa MEP tambe ta hopi cla cu nan no lo forma parti di un gobierno cu partido AVP, a bisa. E proceso ta cuminza awor pa wak con sea dos partido of tres partido lo por yega na otro pa forma un gobierno. Otmar Oduber a remarca.

- Advertisement -

DUNA COMENTARIO

Please enter your comment!
Please enter your name here