Home Politica Porcentahe di hende cu a bay vota ta di 84%

Porcentahe di hende cu a bay vota ta di 84%

89
0
SHARE
- Advertisement -

Presidente di Conseho Electoral Glen Thode:

 

ORANJESTAD(AAN): Glen Thode ta presidente di Conseho Electoral y el a duna su prome reaccion riba e resultado di e eleccion. Tin di compronde cu tabata tin un prome bishita na Gobernador. Thode a splica cu como presidente, combersa cun’e tocante e resultado di eleccion diabierna, cual ta preliminar. Lo fiha e resultado diaranson awo 10’or.

Awor aki por papia solamente di un resultado preliminar. Naturalmente, oficialmente a hiba un carta pa Gobernador, ta kico exactamente tabata e resultado encuanto e cantidad di voto, cantidad di votonan invalido, e resultado netto di esey, e reparticion di asiento y e ora a hiba un combersacion chikito tambe, simplemente pa informa.

Con nan mes a experencia esaki, ta cu nan ta contento. Tabata un dia cu un cantidad grandi toch di Aruba su electorado a bay na e urnanan, a deposita nan voto. Thode a splica cu toch e cantidad di hende cu a bay vota ta 84%. Ta bunita resultado den Reino.

Esaki ta hopi bon mes. Esey ta nifica cu diabierna e electorado di Aruba a realmente, colectivamente nan a expresa nan boluntad y esaki bo ta bay wak e ora cu despues di tur cos, esaki ta refleha cu e parlamento di Aruba ta bay representa un bon parti, e tin un bon representacion di pueblo. Esey ta nifica cu e reparticion despues di asiento ta defini tambe con mas of menos cada lista y tambe na final, esaki lo ta conoci diaranson, cual ta e cantidatonan lo sumi un asiento den parlamento. Pa hunto colectivamente forma e representacion di pueblo di Aruba.

 

Asiento

E resultado ta asina. 9 -9 – 2 – 1. AVP den resultadonan preliminario tin 9 asiento asigna na dje. MEP tambe tin 9 asiento asigna na dje. POR, tin 2 asiento asigna na dje y partido RED ta 1 asiento asigna na dje. E otro partidonan no a yega e kiesdeler. Pa e motibo ey nan no a haya ningun asiento asigna na nan.

 

Restzetel

Thode a splica cu ta tanto MEP como AVP a haya en todo caso restzetel. E asientonan fiho, tanto RED como POR tin gewoon e cantidad di asiento cu nan a pasa e cantidad di biaha di e kiesdeler pa haya nan asiento.

 

Kico ta bay pasa

Ken lo bira informador, no ta algo cu Conseho Electoral tin algo di haber cun’e. Ta un proceso cu ta pasa despues di eleccion, cu ta den man di e Gobernador entre otro y tambe naturalmente kisas esnan cu ta cualifica pa haci e trabao di informa y despues di esey forma.

E ora eynan naturalmente mester bin e proceso den cual e asignacion di asiento ta bay resulta cu e hendenan aki ta tuma nan asiento den staten y despues di esey ta bin un Gobierno tambe cu ta carga confiansa di un mayoria di e staten aki.

- Advertisement -

DUNA COMENTARIO

Please enter your comment!
Please enter your name here