Home Politica PPA su mensahe pa pueblo ta “Reject More of The Same”

PPA su mensahe pa pueblo ta “Reject More of The Same”

14
0
SHARE
- Advertisement -

ORANJESTAD   (AAN): Diaranzon a tuma lugar e penultimo conferencia di prensa di PPA, prome cu eleccion di dia 22 di September.

Durante e conferencia di prensa Benny Nisbet a trece dilanti cu yegando final di e campaña aki PPA mester acentua riba e desaroyo di e campaña specifico aki.

“E partidonan AVP, MEP y POR a gasta un suma increible y nos no mag di perde for di bista, cu e crisis financiero, economico, social, ta pa motibo di e tantisimo gastamento di placa durante e ultimo dos eleccionnan”.

“Mas placa cu nan a wordo financia, mas fabor nan mester hasi na nan financiadornan y esey ta motibo di crisis real durante e ultimo añanan y cu lo sigui pa basta tempo”.

“Nos di PPA y UPP ta hasi un apelacion riba nos pueblo, pa pensa hopi bon durante e ultimo dianan aki, pasobra si nos move rond di Aruba y nos analiza e campaña electoral, indudablemente e acento ta den hinca mas hopi bandera na cas di hende, parti mas hopi sticker, organiza festividadnan cu hopi musica y drinks y di nan banda masha poco acento riba vision, programa, proyectonan etc etc”.

Esaki segun Nisbet, kende a sigui bisa cu PPA kier pone y a pone acento riba vision, ideanan inovativo y programa, pa e pueblo tin un alternativa real durante di e campaña aki.

“Como pueblo y ciudadano abo tin e oportunidad pa hasi bo mes e pregunta, si bo ta desea pa nos pueblo sigui den e crisis financiero economico social, of realmente bo kier Sali for di esaki”.

Esaki segun Nisbet, kende a indica cu su partido a presenta nan ideanan den diferente documento.

“Nos master plan riba tereno di seguridad, nos master plan pa eleva Oranjestad, nos agenda for San Nicolas y den e ultimo dianan nos ta partiendo un documento cu tin e vision economico di PPA y e bista general di e partido riba tur tereno.

El a sigui bisa cu masha poco partido ta presenta un programa asina facil pa compronde y cu un vision enorme.

Segun Nisbet, durante e dianan cu a pasa varios ciudadano a duna PPA un compliment riba e diferente documentonan cu nan ta parti rond.

“Nos di partido PPA kier manda un mensahe no pa San Nicolas so, sino pa full Aruba”.

“Mirando e cantidad di aña cu sea AVP of MEP tabata den Gobierno, PPA su mensahe ta ‘Reject More of The Same’, pues rechaza mas di mesun cos.

 

- Advertisement -

DUNA COMENTARIO

Please enter your comment!
Please enter your name here