Home Gobierno Problematica di hobennan sin empleo mester di atencion nacional

Problematica di hobennan sin empleo mester di atencion nacional

33
0
SHARE
????????????????????????????????????
- Advertisement -

Anselmo Pontilius di FTA despues di reunion cu Gobernador

 

ORANJESTAD (AAN):  Anselmo Pontilius di Sindicato FTA a tene un reunion cu Gobernador Alfonso Boekhoudt y el a laga sa cu e combersacion a bay ameno. FTA cu ta atende cu dunador di trabao y sindicatonan nan a trece dilanti diferente situacion cu nan a keda di entrega por escrito,

Un di e aspectonan ta e hobennan cu tin problema pa haya trabao. Si wak e cifranan di desempleo, e grupo grandi ta hobennan. Tambe tin e fenomeno di e hende grandi cu no tin pension, pero mester sigui traha siendo cu nan salud no ta bon, Pontilius a indica.

Tambe tin e situacion unda e dunador di trabao ta bisa “bo a yega 60 aña y nos ta prefera di no traha mas cu bo”. E situacionnan aki mester di un atencion nacional, a enfatiza, particularmente nos hobennan y con ta atende cu esaki.

FTA a conseha cu e gobierno cu drenta tin retonan grandi pa atende cun’e y con ta re-establece un dialogo nacional y siña for di e erornan di e dialogo nacional di pasado. Pero banda di esey atende cu e sindicatonan y e dunadornan di trabao, pero cada tanto tempo consulta cu otro gremionan den comunidad pa sa kico ta tumando lugar y con e problemanan ta wordo atendi, Anselmo Pontilius a duna di conoce.

FTA a mira con e problema den sector casino a crece y ta un sector cu no por keda atende cun’e.

- Advertisement -

DUNA COMENTARIO

Please enter your comment!
Please enter your name here