Home Hudicial Procurador General van Dam mustrando cu mester evita cu cosnan ilegal tuma...

Procurador General van Dam mustrando cu mester evita cu cosnan ilegal tuma luga na Aruba

245
0
SHARE
- Advertisement -

ORANJESTAD(AAN): Aruba tin un historia cu tin hendenan cu ta bin Aruba cu un cantidad di placa riba e botonan y ta bay cumpra whisky, pero ta garanan riba lama.

Despues nan ta haya e placa abordo y ta deduci esaki como contrabando. Segun Procurador General, Alexander van Dam, e sa di e casonan aki. Si confisca placa, ta duna esun cu tin e placa, e chens pa mustra cu e placa ta legal. Sea cu ta bisa cu ta e placa di benta di tal cos of pa cumpra whisky.

Te cu awor aki na momento cu a gara hende cu placa, nan no ta bin cu un prueba convincente, di con nan tin asina hopi placa den e boto of na aeropuerto. Ta mira tambe riba otro circunstancianan. Si por ehempel un hende ta bisti masha shouro y tin 40 mil Dollar riba dje y bisa cu e ta carga e placa pa un hende, e ora e no tin un storia creibel.

Pero si por mustra cu e placa aki ta procedente di un herencia of benta di un cas of e ta destina berdad pa compra di whisky, e ora e placa no por worde confisca. E casonan cu nan a haya te awor aki cu e afpakteam, e personanan no por a mustra cu e placa a worde obteni na un manera legal.

E criminalnan como turista:

Criminalnan ta drenta nos isla como turista y ta keda atras ilegalmente. Segun PG van Dam, a papia cu Camara di Comercio y tambe cu comerciantenan cu si nan laga e hendenan aki yega, tin cu percura pa nan cumpli cu tur permisonan exigi. Tin cu percura pa no laga e hendenan aki traha ilegal, por ehempel na un proyecto di construccion of na un hotel. Despues di un corto tempo nan ta worde retira, si nan keda cla cu un trabao y hopi biaha nan no tin nada. E ora e hendenan aki no ta keda otro di comete atraco. Kier pa percura pa e hendenan aki no drenta Aruba. Ta haci un yamado na companianan pa tira un bista si nan tuma hendenan cu ta ilegal, sea adverti cu e hendenan cu despeus di e trabao, hasta nan mama nan ta bay horta.

Den varios caso tin Arubianonan envolvi na e influx di hendenan ilegal for di Venezuela of Colombia. Ta poniendo esaki riba mesa di kende nan ta y con nan ta haci’e, nan MO. Ta haci’e cu algun partner entre otro polis, marechausse, RST entre otro, pa asina pone esaki riba mesa pa evita cu e hendenan aki yega riba suelo Arubiano.

Pa loke ta e trabao di polis, entre 1 y 10, nan trabao ta riba un 7, pero PG kier un 10, tur trabao. E bon noticia ta cu ta traha hunto integralmente y esey tin cu haci’e na Aruba. Ta haci’e den e afpakteam, den e fusion center, cual ta un centro di informacion. Ta haci’e riba e unidad mensenhandel/mensensmokkel, y tambe den e veiligheidshuis. Pero pa bay sinta hunto pa asina hinca tur informacion den otro y tambe cu Dimas y Censo, cu e Servicio di Impuesto, Cadaster, pa mira si tur cos ta cuadra si un hende ta biba na tal adres. Si e ta biba na San Nicolas of na Tiera del Sol, no ta haci diferencia den e casonan. Lo bay wak contra kico nan lo topa, loke ta wak y scucha. E posicion di informacion di polis ta basta bon y Pg ta sigur cu pa otro aña e lo subi pa un 9.

Afpakteam tin un tiplijn. Si bo mira algo den bo bario y bo ta pensa cu no ta cuadra, of e hoben ayera tabata sin trabao y awe e ta core cu un auto rond, bel e tiplijn, yama polis y e ora ta bay haci e investigacionnan necesario, PG van Dam a splica.

 

- Advertisement -

DUNA COMENTARIO

Please enter your comment!
Please enter your name here