Home Politica Prome Minister y su campañadornan a forsa señora di 79 aña di...

Prome Minister y su campañadornan a forsa señora di 79 aña di edad baha su bandera di POR

585
0
SHARE
- Advertisement -

POR ta denuncia:

ORANJESTAD (AAN): E ta un berguensa pa mira con un nos Promer Ministro ta presta su mes den un desesperacion increibel hunto cu esnan di AVP na e momentonan aki pa bay cas pa cas di personanan cu tin bandera di POR y intimidanan pa baha nan bandera.

Unda respet pa e derecho di cada ciudadano su libertad di expresion a keda. Ta manera nan kier prohibi e pueblo votador pa uni libermente cu e partido cu nan tin speranza cu lo por trece e cambio di rumbo cu un y tur ta anhelando.

Ta parce cu nan sa cu e dolor di dia 22 di september lo bin di e skina di e partido cu a lanta para pa integridad, pa transparencia y pa recobra e confianza di comunidad cu un programa completo cu a  worde prepara den consulta cu gremionan y ciudadanonan di nos comunidad. E ta inacceptabel cu un Prome Minister ta bay over na intimida hende personalmente y ofrece trabao, contractnan y hasta firma pa tereno.

Prome Minister acompaña pa 40 pa 50 hende cu ta worde paga cu placa di pueblo tin e curashi di bay den oranan di anochi na cas di hendenan grandi di 79 aña pa ranca un bandera for di dje, intimide y spante. Bay na cas di famianan y ofrecenan trabao, tereno y placa pa por baha un bandera. Hasta miembro di Tweede Kamer na Hulanda a haci declaracion di ta sorprendi cu e manera con Prome Minister di Aruba y su Ministernan di Gabinete ta primintiendo tur sorto di cosnan  cu nan no por cumpli cu ne actualmente. E forma di hiba campaña aki durante e ultimo oranan no ta di un partido Cristian Democrata. E ta un campaña di un partido cu sa cu nan ta mal para pa diabierna awo y ta forsando pa keda na poder cueste loke cueste.

“Ami a bira lomba pa un gobernacion cu ta worde confirma como un gobierno di sr. Mike Eman cu tin un Minister encarcela na e momentonan aki mientras cu nos ta bayendo eleccion diabierna. Cu ki curashi bo ta drenta cas di hende y bisanan cu bo ta bay cuida nan interes pa e proximo gobernacion.

Nos hendenan no ta cay mas pa e tipo di intimidacionnan aki y dia 22 di September. E pueblo aki ta uno orguyoso y sincere y cu no ta na benta y nan lo no para na banda di corupcion tampoco.

- Advertisement -

DUNA COMENTARIO

Please enter your comment!
Please enter your name here