Home Politica Pueblo kier un cambio y esey ta POR ta ofrece!

Pueblo kier un cambio y esey ta POR ta ofrece!

386
0
SHARE
- Advertisement -

OTMAR: despues di 43 aña entre geel y berde:

ORANJESTAD (AAN) – Otmar Oduber, lider di Partido Pueblo Orguyoso y respeta, sumamente positivo, optimista y entusiasma, a combersa cu Matutino DIARIO ayera mainta, na momento cu hunto cu un grupo grandi di acompañante, a bay deposita si voto na Colegio San Jose.

El a declara cu e ta hopi contento di mira e reaccion di pueblo di Aruba y a manifesta su deseo pa e proceso bay mescos cu den oranan di mainta, cu hopi trankilidad, te 7 or di anochi cu e urnanan ta cera y e conteo cuminza.

Oduber a expresa cu mirando cu nan a cuminza como organizacion, for di hopi tempran caba, na reuni cu instancianan den nos comunidad y despues di esaki a duna pueblo oportunidad pa duna nan input pa di ey traha nan programa di accion, y a hiba un campaña cu hopi positivismo y completamente diferente, pa mustra cu POR otro, y cu POR pone atencion na e parti humano di nos comunidad, di nos pueblo.

Otmar Oduber a subraya cu hende sa cu despues di 22 di September, na unda ta bay marca historia na Aruba, ta bay tin un gobierno cu ta bay traha pa pueblo di Aruba, pa cada ciudadano tin seguridad na su cas, acceso medico y na medicina, cu ta parti di e calidad di bida cu nos ta desea, y cu e ciudadano di Aruba por haya un miho salario y un miho entrada. Baha e costo di bida asina halto cu tin na Aruba y eleva e nivel di atencion na nos enseñanza manera nos pueblo a bin ta pidi. Esaki ta concentra den e 28 candidatonan di POR pa nan por cumpli cu nan programa di accion den tur skina di nos pais.

E candidato number 1 riba lista di POR a acentua cu despues di 43 aña di e pueblo ta pasa di geel pa berde kier un cambio y aworaki ta e momento husto cu un organizacion nobo a lanta for di e anhelo di pueblo. Pueblo por conta cu hunto cu Marisol, Andin, Joselin y tur otro candidato riba lista POR lo traha pa pueblo, cu pueblo y na beneficio di pueblo di Aruba!!

 

- Advertisement -

DUNA COMENTARIO

Please enter your comment!
Please enter your name here