Home Turismo Renaissance Festival Plaza anfitrion pa e di 11 edicion di Caribbean Sea...

Renaissance Festival Plaza anfitrion pa e di 11 edicion di Caribbean Sea Jazz

61
0
SHARE
- Advertisement -

ORANJESTAD    (AAN):  Diabierna 15 y Diasabra 16 di september,  Renaissance Festival Plaza lo ta anfitrion pa otro fenomenal Caribbean Sea Jazz.  Ademas di e line-up impresionante cu lo tin pa e festival tin hopi atencion pa e vibracion y experencia rond di e anochinan musical. Aki mester pensa riba cos di come y bebe, bahada di solo, cocktail y mas!

   Preparabo pa standnan di cuminda cu lo ofrece mesun dushi sensacion, cu e line-up di artistanan pa e festival di e aña aki. Renaissance Marketplace ta Aruba su capital culinario y ta conoci pa su variacion amplio di restaurantnan, cada un, cu nan experticio.

For di cushina local pa esun oriental- durante di e proximo Caribbean Sea Jazz bishitantenan lo haña un pakete total; e mihor den musica y definitivamente e mihor variacion culinario. Pa esunnan cu ta gusta algo zoet, lo tin e popular ‘poffertjes’ hulandes of un dushi koffie- friu of cayente- cu Baileys of Kahlua.

E ‘foodcourt’ lo ta central na Renaissance Festival Plaza, cu amplio lugar pa sinta y disfruta henter e festival. Bishitantenan por sinta den e ‘garden terrace’ mientras ta experencia un bahada di solo y un porcion di keshi yena pa complementa e atardi. E terasa tin un bista excelente riba escenario principal, pues no ta perde ni un minuut di e show.  E ‘food court’ ta habri 6’or di atardi riba ambos dia.

Caribbean Sea Jazz e aña aki lo conta cu presentacion  di Oruba, Esha, Caribbean Latin Jazz Xpress, Cory Henry & the Funk Apostles, Jesse van Ruller Trio, Maceo Parker, El Prove y Habana All stars, NG La Banda, Zuco 103, Rubén Blades y Shirma Rouse.

Ta recorda tur hende cu e fin di siman aki lo bishita e festival cu por paga unicamente cu tokens di Caribbean Sea Jazz. Por cumpra esaki parti paden di e Renaissance Festival Plaza. Busca bo carchi di entrada na puntonan di benta ya conoci.

Pa mas informacion bishita e pagina di facebook di Renaissance Mall & Marketplace of di Caribbean Sea Jazz. Disfruta!

Riba foto adhunto un impresion di e ambiente na e ‘foodcourt’ aña pasa durante Caribbean Sea Jazz

- Advertisement -

DUNA COMENTARIO

Please enter your comment!
Please enter your name here