Home Politica Ricardo Croes di RED a sorprende tur hende den eleccion 2017

Ricardo Croes di RED a sorprende tur hende den eleccion 2017

648
1
SHARE
- Advertisement -

E ta e di tres votegetter

ORANJESTAD   (AAN): Ricardo Sindulfo Croes, kende a inicia su carera politico den RED na aña 2013 a logra 420 voto, pero a sorprende tur hende den 2017. No solamente a haci’e lider di partido, pero su campaña a yude yega te na 3359 voto cu a haci’e e di tres votegetter na Aruba, despues di Mike Eman y Evelyn Wever. Su votonan ta suma mas cu henter e top 3 di ex Ministernan y Parlamentarionan di POR hunto!

Di otro banda, dr. Rudy Lampe si no a core e mesun suerte. El a inicia su carera na 2005 cu 2334 voto, a cay na 2009 te na 1360 voto, a sigui cay na 2013 na 613 voto y den e eleccion di e aña aki a bolbe cay y yega te na 466 voto.

Esaki como tal ta e record cantidad di MENOS voto cu e ta logra den su carera politico, mientras cu pa RED e ta un record den cantidad di voto. E partido a inicia na 2005 cu 3330 voto, a cay na 2009 pa 2378 voto, na 2013 no a bal mas cu 1209 voto y e aña aki a subi te na 4166 voto.

No por conclui nada otro cu Ricardo Croes a comberti su mes den un berdadero fenomeno politico riba nos isla y cu tur ingrediente pa sigui crece.

- Advertisement -

1 COMMENT

  1. nos por papia kiko nos kier pero e persona aki ta di aprecia y admira pa su manera di expresa un systema politico Madura y cu berdad , un persona dinamico y cu interes nan pa pueblo y no pa su saco
    bon trabow RICARDO all the best si bo mester bay den gobierno go for it bo merece di ta den y bo opinion tambe ta conta grandemente bo tin un curason grandi y un mente briyante

DUNA COMENTARIO

Please enter your comment!
Please enter your name here