Home Policial Richard Dirksz di 47 aña a muri hoga na Boca Bolofan cerca...

Richard Dirksz di 47 aña a muri hoga na Boca Bolofan cerca di Conchi

1445
0
SHARE
- Advertisement -

ORANJESTAD(AAN): Un caso lamentable a sosode diasabra atardi.

E homber Richard Alberts Dirksz, naci na Aruba 16 Januari 1970 y biba na Shete a muri hoga. El a bay pisca na baranca.

Na dado momento ola a dal e y mand’e awa. E area panort di Aruba ta basta bruto den lama.

Na Boca Bolofan cu ta den e area di Conchi e caso a sosode.

Polis a wordo avisa y a bay cu parkrangernan na e sitio. A tende cu for di hopi mas trempan e lo a bay awa y asina a cuminsa busca drechi di Richard. Finalmente nan a bin topa cune sin bida.

A logra sak’e y bati alarma. Asina e personal di parke a yega cu Polis.

Nan a pone e curpa sin bida den baki di pickup y bin cune na entrada di Shete riba e sero.

Eynan Dokter Texier a constata morto diasabra atardi banda di 6or y 30. E curpa a wordo duna liber na famia.

Funeraria a bay cu e curpa mesora na e cas funeral pa asina sigui cu e proceso cu e famia. Pas na su restonan.

 

 

- Advertisement -

DUNA COMENTARIO

Please enter your comment!
Please enter your name here