Home General SADA contento cu Douane ta bay haya mas miembro

SADA contento cu Douane ta bay haya mas miembro

55
0
SHARE
- Advertisement -

Mester percura pa pone mas control na frontera

ORANJESTAD    (AAN): Cuerpo di Douane ta bay haya mas miembro. Oficialmente un grupo a drenta opleiding. Pa sindicato, segun presidente Eduard Maduro, ta un desaroyo hopi positivo pa e cuerpo y den nomber di SADA, esaki ta algo hopi positivo, mirando cu pa prome biaha, sindicato tabata tin un rol hopi mas participativo den seleccion den e grupo aki.

Toch na final no tabata tin cos cu no a bay mucho bon, pero esey lo bay dialoga cu minister, pasobra tin algun aspecto cu na cuminsamento a trata di evita di pasa, pero toch a bin resulta cu nan a sosode. Di un manera of otro e no ta den man di sindicato. All in all ta algo hopi bon pa e cuerpo. Awor aki ta den ultimo trayectoria pa eleccion di un Gobierno nobo y a bin ta ripara cu hopi hende ta papia di mas polis, mas blauw riba caminda, etc.

Pero pa sindicato SADA, nan ta papia di mas bruin na frontera, pasobra tur parti di mundo, esnan prome yama pa cuida frontera di nan pais y den e caso aki, Aruba, no ta diferente, ta e douanero. Akinan ta caminda cu ta lamenta toch cu no ta scucha hopi di esey di por ehempel den debatenan of den programanan di partidonan politico.

Pa SADA lo bay streef riba dje y a bin ta haci’e tambe, semper y cuando cu e Gobierno actual, y e Gobierno anterior tambe. Ta sinti cu mester di mas hende, mas personal, pa haci control, mirando cu tin dos tarea. Tin e tarea di e parti fiscal y non-fiscal. Tur dos caminda nan falta hende. Ta wak tambe ora cu comercio ta pidi pa mas control, mas douane, pa asina nan por haya nan carga mas tempran. Mirando cu na Aruba tur cos ta wordo importa, no por bay cu man soepel pa e parti aki.

A mira hopi cos sosode cu a yega di wak. Por ehempel leiding ta tuma cierto decisionnan pa bin cu maneho y na final di dia por sali miembronan un tiki caro, pasobra nan ta sigui maneho, pero na final di dia nan ta wordo atendi riba dje. Akinan ta caminda cu ta boga, pa hopi tempo caba, pa mas personal. Nan ta hopi onderbezet. Pa e parti non-fiscal unda cu antes Douane tabata eherce controlnan continuo na frontera di Aruba.

Akinan ta mira pa e ultimo añanan, por mira cu por lo menos 6 aña, Douane no ta coriendo surveillance, pasobra no tin manpower, ni e boluntad pa zet in hende pa haci esaki. Ta algo cu ta keda bisa y pesey mes ta kere toch cu den e parti di Gobierno y Gobiernonan den futuro, mester percura pa pone mas bruin na frontera. Sigura bo frontera, pasobra no ta solamente hende por drenta ilegal, pero mercancia tambe y tur sa cu mercancia ta cay bao di e control di Douane. Manera tur caminda, den tur pais, bo tin CBP, cual ta Customs and Border Protection. E palabra mes ta bisa kico e Douanero ta ilustra. Aki lo sigui bringa pa haya mas hende.

Ta hopi contento di haya 20 hende, pero ora mira cuanto hende ta baha cu pensioen, of hende ta bay cu VUT. Practicamente bo ta kedando mesun caminda. SADA lo sigui pusha pa haya mas hende.

 

- Advertisement -

DUNA COMENTARIO

Please enter your comment!
Please enter your name here