Home Comentario Security di Parke Curazon ta señala cu no tin maneho den e...

Security di Parke Curazon ta señala cu no tin maneho den e parke

109
0
SHARE
- Advertisement -

ORANJESTAD (AAN) – E security di Parke Curazon na Jaburibari, sr. Goerge Forbes, a pidi atencion di Matutino DIARIO, pa e trece dilanti algun situacion fastioso cu e ta pasa den dje, na pia di trabao y cu tin di haber cu falta di maneho y reglanan cu e publico mes mester atene na nan.

El expresa cu e mandatario encarga cu deporte no ta worry cu nada di locual e, como security, ta pone na haltura di dje.

Pero ta asina cu e parke mester di un fumigacion, ya cu tin dori, cien pia, y boa cu ora hendenan ta bin core ta pidie pa e mata nan cu piedra, pasobra nan ta riba e caminda pa core.

Tambe el a comenta cu el a pidi pa pone borchi na entrada pa e publico sa ki ora e parke ta habri y ki ora e ta cera, pero unda e ta awor e no ta na bista manera mester ta.

Tambe e ta keha cu tin hende ta drenta cu cacho, y poco dia ey un cacho a morde un señora den e parke. El a yega di entrega un carta na Hugo Mohamed, pero nada a wordo haci.

Tambe tin problema cu e bañonan, tanto di hende muher como di hende homber, pasobra nan ta use pero no ta flush. E mes tin cu haci esey como seis bez pa dia.

E kier pa esnan concerni pone borchi di horario cu e baño ta habri y cera, y señalnan. El a duna di conoce cu ora el a bay cu vacacion nan a pone hende pero esaki a bay, y ora e publico tabata puntra pa un security no a haya ningun hende.

E directiva di e Parke no ta haci nada riba e cosnan aki tampoco. E, como security, si ta traha na interes di e parke. Asina sr. Forbes a declara.

 

- Advertisement -

DUNA COMENTARIO

Please enter your comment!
Please enter your name here