Home Deporte Seleccion di softball masculino ta cla pa competi den e X Campeonato...

Seleccion di softball masculino ta cla pa competi den e X Campeonato Panamericano Fastpitch Softball Masculino

27
0
SHARE
- Advertisement -

ORANJESTAD (AAN): Despues cu nos seleccion nacional do softball femenino a duna un bon presentacion den e Panamericano di softball na Republica Dominicana awor ta e seleccion masculino lo mester enfrenta e miho paisnan den nos continente pa asina busca nan clasificacion. Apesar cu e seleccion femenino a keda cortico y a hera nan clasificacion pa un posicion asina mes e resultadonan tabata positivo unda a sa na gana paisnan grandi.

Awor ta toca turno na nos seleccion masculino pa bataya den e Panamericano aki cu lo tuma lugar e dianan 15 pa 24 di September. Mester bisa cu Aruba a cay den un grupo “de la muerte”  cu ta grupo A hunto cu Venezuela, USA, Republica Dominicana, Cuba, Brasil, Colombia y Puerto Rico. Aruba lo enfrenta Venezuela den nan prome compromiso. E weganan lo ser hunga den e estadio Olimpico Juan Pablo Duarte na e capital Santo Domingo.

Aruba ta buscando nan clasificacion pa e XVI World Softball Championship 2019 na Praag, Tsjechie como tambe e Weganan Centro Americano y del Caribe 2018 na Baranquilla, Colombia.

Un danki sigur na Lotto, e Loteria di Aruba pa medio di Comision di Subsidio cu a subsidia e viaha di e seleccion di softball pa e X Campeonato Panamericano Fastpitch Softbol Masculino na Republica Dominicana.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e comision di subsidio.

- Advertisement -

DUNA COMENTARIO

Please enter your comment!
Please enter your name here