Home Infrastructura Sharine Luydens a haci un gran trabao pa Aruba a haya un...

Sharine Luydens a haci un gran trabao pa Aruba a haya un eleccion transparente y confiable

209
0
SHARE
- Advertisement -

Aruba tin di bay pa voto digital

ORANJESTAD (AAN): Riba Diabierna anochi pa Diasabra, tabatin hopi critica relaciona cu e tardanza di cierto urnanan cu a tarda pa drenta.

Directora di Censo, Señora Sharine Luydens, a splica e motibo di tardanza.

Segun Señora Luydens ta bisa cu e criticanan tin hopi di nan ta infunda, ya cu tin hopi hende cu ta critica pero nan no tin ningun idea di cuanto trabao e ta encera pa traha na un urna.

Cada eleccion di nobo, ta menos hende ta dispuesto pa traha na urna. Tambe menos hende ta dispuesto pa tambe profundiza nan mes den esaki.

Señora Luydens a bisa cu e pueblo mester compronde y educa su mes. Lo mester lesa e proceso di e sistema electoral pa compronde pakico cierto cosnan ta pasa.

Tabata un Señora Luydens basta disgusta kende a bisa cu tin hopi critica pero ningun hende no kier duna un aporte na e proceso democratico. Nan no kier duna aporte na lesa nos leynan, nan no kier duna nan aporte pa bin dos siman prome pa busca nan carchi di votacion. Nan no kier duna aporte na nada. Pero si nan kier para na banda y critica. Esey no ta bon. Nos mester ta ciudadanonan consciente y participa na e proceso electoral.

Si e proceso electoral ta sigui asina ey, y ta subi di votadornan pa cada aña, e ora su persona lo no por organiza eleccion mas na un bon manera, si no bay over na un manera digital. Digital di e proceso di e parti administrativo.

Dia cu e politiconan a dicidi di traha un urna nobo, e famoo “Stembureau B”, Censo mester a ‘match’ kende tur ta vota na hospital pa evita cu un persona ta vota dos biaha.

Pa trahadonan di Censo, e Stembureau extra ey so a pone cu nan mester traha den oranan di marduga, pa match registro electoral pa 200 hende!  Tur e trabao ey djis pa trece full un eleccion den peliger pa 200 hende, ya cu a dicidi di haci votacion na SABA y Hospital.

Directora di Censo, Señora Luydens no ta dispuesto mas pa sigui un proceso di eleccion pa mas di 70 mil hende cu’n sistema asina anticua. Y Staten no ta dicidi mas pa cambia e sistema pa un sistema digital.

Tur eleccion ta e directora ta tuma tur e sla y despues cu eleccion pasa, niun hende no ta pensa mas pa cambia e sistema of ta pensa ariba e problemanan cu a bin dilanti na e eleccion aki.

E presidente di urnanan ta participa di nan mesun boluntad, cu ta bin for di 5 or di mainta y ta keda te den oranan marduga, pa algo cu no ta bale la pena pa algo cu no ta worde paga pe. Y tambe e 34 empleadonan di Censo cu tin cu duna mas di nan mes pa algo cu no ta bale la pena pa 200 votado. Cu mester warda ariba nan, cu e introduccion di stembureau B.

Señora Luydens a bisa tambe pa locual ta e pensamento pa laga Arubianonan cu ta biba afo, pa laganan tambe vota, pero con ta bay organiza esaki administrativo? Si ta bay over na esaki, e ora su persona lo no forma parti di esaki. Si ta bin cu esaki, pero niun hende ta puntra e parti administrativo di con ta bay soluciona esaki. E no ta dispuesto di forma parti di esaki mas. El a bisa tambe di ta dispuesto di carga e consecuencianan di esaki, cu si e ta di perde su trabao, e ta dispuesto tambe.

Por ultimo , Señora Sharine Luydens, cu ta un experto den eleccion, cu ta un experto den kico ta pasa tur dia den Censo durante un eleccion , a bisa bon cla, cu e no ta dispuesto mas di organiza eleccion cu tanto trabao administrativo cu ta anticua.

- Advertisement -

DUNA COMENTARIO

Please enter your comment!
Please enter your name here