Home General Shopsteward Gilberto Webb ta insisti cu Director di Arubus ta gaña

Shopsteward Gilberto Webb ta insisti cu Director di Arubus ta gaña

120
0
SHARE
- Advertisement -

ORANJESTAD(AAN): Gilberto Webb ta chauffeur di bus na Arubus y alavez ta shopsteward y el a conta cu director di Teo Croes no a papia berdad diabierna ultimo.

El a splica cu na Aeropuerto nan tabata yam’e 1 April, pasobra e gusta gaña. Diabierna, 15 di September, el a bolbe gaña. Hunto cu un otro shopsteward, Webb a bay sinta cu e director pa bay defende un caso, ora cu a defende, e ta mira cu nan ta e shopstewardnan brabo.

El a bira tira un posicion pa nan. Si nan kier bira controlador, nan tin cu sali afo como shopsteward, cual nan a nenga. Nan a splica cu nan lo keda defende e trahadonan. Nan ta keda defende e trahadonan 1000%. Si ta bin hunga cu wega di Pinocho, cu Webb e flie aki no ta subi. Webb a splica cu e no ta “ni se compra, ni se vende.” Pa e no purba di bin cu su weganan sushi. E ta defende e trahadonan te na final.

Webb no ta worde cumpra, ni tampoco e ta bende su mes. E ta shopsteward y ora bin un eleccion pa voto pa shopsteward, e ta bolbe pone su nomber. Si e trahadonan kier’e como shopsteward, e ta bay atrobe, mustra cu e lo keda bringa.

E funcionnan

Webb a splica cu nunca el a pone su nomber pa dienstleiding. E no por bisa cu e kier posicion. E tey pa defende e trahadonan. Pesey el a bay pa shopsteward. Si e sa cu e ta un hende cu e lo worde cumpra of bendi, e no lo bay.

Kico mester sosode

Como shopsteward, kende ta scucha e preocupacion di e miembronan, Webb a splica cu tur e trahadonan ta rabia riba e director, Teo Croes. Riba dje el a bin gaña riba dje. Si e kier pone e shopstewardnan contra e trahadonan pa scapa su curpa, el a dal su dede. Webb a reta e director, ki dia a bay cerca dje pa pidie un posicion. E bin bisa ki dia. T’e a tir’e den laira y kere cu lo bay tume bisa cu e ta sali for di shopsteward. Esaki ta pa mustr’e cu e lo bay guera ki ora cu ta pa defende e trahadonan.

 

- Advertisement -

DUNA COMENTARIO

Please enter your comment!
Please enter your name here