Home Impuesto Sindicato STA dispuesto pa hiba Elmar dilanti Corte

Sindicato STA dispuesto pa hiba Elmar dilanti Corte

75
0
SHARE
?
- Advertisement -

ORANJESTAD (AAN): “Si ta Corte nos mester bay, nos ta bay!!”  Esey ta loke Diego de Cuba di Sindicato STA a laga sa, na final di un reunion cu mediador di gobierno, Sr. Anselmo Pontilius y hunto cu e gerencia di NV Elmar.

Sr. de Cuba a splica cu den e reunion mester a trata tambe e protocol cu a worde firma. E gerencia di Elmar ta e prome yama di e prome presentacion, y e sindicato anterior no a percura esey tampoco. Esey ta na gerencia di Elmar pa cumpli cun’e. Gerencia a presenta e plan cu nan kier bin cun’e. Pero e problema mes ta hancra, cu nan mester firma e protocol, no a keda concretisa.

Tampoco e peticion cu sindicato STA a haci na director di NV Elmar, Sr. Robert Henriquez, pa e hala e carta di schorsing aden di e tres delegadonan. Pero Sr. Henriquez a bisa di no ta hala atras y segun STA esey por conduci cu e situacion ta escala. Gerencia kier a convoca un presentacion pa diaranson proximo, pero e trahadonan ta hopi malcontento cu locual a pasa cu nan delegadonan.

Y cu nan derecho, ya cu ta imposibel cu’n compania, manera Elmar NV ta viola tratadonan internacional y toch tin cierto abogadonan ta para nan tras. Y esaki ta di mas pa sindicato STA. Pakico tin un International Labour Organization cu tin tur cos poni, hancra den leynan internacional. Y e leynan aki a worde ratifica na Augustus 1986. Esaki ta algo di mala fe. Di puro mala fe.

Miemrbonan di STA ta bezig cu’n accion di firma y esey a worde intensiva. Mirando loke gerencia a haci di rechasa nan peticion, di parti di sindicato STA. Dialuna atardi STA lo tin un reunion cu tur su miembronan, pa nan por worde splica kico ta e siguiente paso y STA lo manda un carta tambe pa gerencia di Elmar, cu STA ta exigi mas respet di parti di e gerencia.

Segun De Cuba, terkedad, powerplay no ta hibabo niun caminda awendia. Ta incomprendibel con e trahadonan di Elmar por a soporta e situacion aki pa tanto tempo. Awo cu STA a drenta, nan lo pone puntjes op di I awor ya cu cosnan no por sigui asina. E presentacion ariba su mes tabata bon hinca den otro. Pero esey ta teoreticamente, pero den practica ta otro y no sa si esey lo funciona. Riba papel e ta zona mustra bunita. E gañamento mester stop na Aruba ya cu esaki tin nos pais daña. E gañamentonan innecesario y den Elmar esey no ta diferente. Den e accion, STA lo sigui colecta e firmanan y na su debido tempo, e partidonan cu forma e gobierno nobo, lo haya un peticion di parti di sindicato STA y trahadonan di Elmar. Dialuna lo tuma un decision di kico lo worde haci, despues cu nan reuni cu e trahadonan di Elmar. Nan lo bay intensiva e accionnan na Elmar. Esaki ta inacceptabel locual cu e director ta haciendo cu e delegadonan. Hasta e mediador a splica e director cu loke e ta haciendo ta inacceptabel.

Segun Sr. de Cuba, si e director ta keda terco nan lo haci esaki un testcase, y si nan mester bay Corte, pa libra tur delegado aki na Aruba cu algo asina por sosode asina den futuro. Si nan gana e caso aki, nan lo pone un jurisprudentie aki na Aruba cu lo ta ehempel pa tur otro compania cu tin pensa di haci asina cu e delegadonan. Sr. de Cuba ta kere cu nan lo gana e caso ya cu e no ta kere cu hues lo viola tratadonan internacional.

Varios carta caminda cu ta informa e director, kendenan ta e delegadonan di STA . Despues ta manda un carta pa atende un reunion cu STA na mediador di gobierno, pa firma e protocol. Pero e protocol ta keda sin firma y pa despues schors e delegadonan, segun Sr. Diego de Cuba, di sindicato STA.

Sindicato di UEA ta existi ainda, pero cu solamente 7 pa 8 miembro, pero STA ta e sindicato cu mester negocia cu gerencia di awo padilanti. Awo ta keda na gerencia pa wak kico e ta bay haci cu UEA, ya cu esaki no por papia mas na nomber di e trahadonan. Se supone cu ora un sindicato drenta den un compania, e otro sindicato no tin representacion mas. Gerencia mester atende cu STA tocante e trahadonan di Elmar. Pero si gerencia kier atende cu UEA, ora di papia pa e trahadonan di Elmar, e lo mester atende cu sindicato STA.

Pa ley, gerencia di Elmar mester reconoce e sindicato STA. Pero gerencia ta bisa di ta deal cu e sindicato cu cual el a firma e protocol. De lo contrario, sindicato STA lo hiba gerencia di Elmar , Corte. No por perhudica un pueblo, pavia di un persona cu ta terco. E persona a cay den e periodo un tiki inoportuno, ya cu bo ta den formacion di un gobierno, y no tin gobierno ainda. Y esun demisionario no por tuma ningun decision mas. Dus lo mester warda pa e proceso di formacion di gobierno. Y esey ta tuma su tempo, segun Sr. de Cuba

- Advertisement -

DUNA COMENTARIO

Please enter your comment!
Please enter your name here