Home Economia Situacion di fianzanan publico no ta alarmante pero e espacio ta limita

Situacion di fianzanan publico no ta alarmante pero e espacio ta limita

676
0
SHARE
- Advertisement -

Director Departamento Finanza Sr. Werleman:

ORANJESTAD (AAN) – Sr. Werleman, director di Departamento di Finanzanan Publico, tambe a wordo invita pa  Gobernador sr. Boekhoudt y el a elabora pa prensa, tocante su bishita aki.

El a subraya cu e tema di finanzanan publico semper ta keda un reto. Logicamente kico el a papia cu Gobernador no por wordo difundi, pero el a indica cu a trata temanan di logistica pa e presupuesto di 2018, e rapportnan cu mester wordo traha y e cuentanan anual, etc.

Esaki ta temanan hopi importante den e proceso di formacion. Werleman a expresa cu ministernan por bin y bay, pero e temanan aki semper ta keda andando y mester ta sigur cu tur e mehoracionnan cu a tuma lugar, por ehemplo entrega cosnan na tempo, no bay perdi.

Esaki ta keda un reto pasobra no semper cosnan ta sosode manera ta desea. Esaki ta na lineanan grandi locual ta para dilanti e proceso di formacion aworaki.

E meta di Direccion di Finanzas ta pa tur cos ta al dia ora cu e gobierno nobo sinta, pasobra e tin cu imprimi su stempel riba e sistema financiero pa formula su metanan di maneho.

Presenta e presupuesto ainda na 2017 lo ta posible, pero hopi desafiante, principalmente si e temporada di formacion tuma hopi tempo, e ta come e tempo cu tin disponible pa por termina, particularmente, e proceso parlamentario, dhr. Werleman a subraya.

El a agrega cu pa por defini un presupuesto na nivel di Conseho di Minister esey ta tuma su tempo, pero mester bay na Conseho Legislativo cu tin cu haya conseho prome di Raad van Advies y endose  na Staten. Nan tambe mester haya suficiente tempo pa nan hiba nan deliberacionnan  na un manera adecua, pa yega na conclusionnan, presenta amienda, etc., etc.

Sr. Werleman a acentua cu nan sa tin desafionan na Direccion di Finanzas y nan sa con pa atende cu esakinan.

Encuanto finanzanan nos pais no ta den un lama di rose, pero loke mester mira ta con finanzanan publico ta, compara cu e resto di nos economia. Si nos economia ta bayendo bon y nos finanzanan publico ta bayendo malo of no.

“Nos no ta den un situacion cu mi por describi como alarmante, mi no ta kere cu e pagador di belasting mester perde soño encuanto esey, pero mester tene cuenta si, y esey tur partido cu a bay den contienda ta conciente di dje, cu e espacio cu tin pa haci hopi cos ta basta limita.

Tambe, conforme ley, tin cierto rekisitonan cu ta wordo impone riba e presupuesto y e saldo di presupuesto cada aña. Pues, esey ta e temanan cu ta tene man y cu ta exigi ora di tuma decisionnan, pa por cumpli cu nan”, Dhr. Werleman a acentua.

- Advertisement -

DUNA COMENTARIO

Please enter your comment!
Please enter your name here