SKOA tin di studia ainda con pa handle fluho di alumnonan cu lo bin di St. Maarten

    106
    0
    SHARE
    - Advertisement -

    ORANJESTAD (AAN): No por djis yega y pone tur studiante di St. Maarten na scol na Aruba!  Un di e motibonan principal ta cu na St. Maarten, mayoria enseñanza ta na Ingles, y na Aruba e ta Hulandes y Papiamento.

    Hecho ta cu hopi famia aki na Aruba a cuminza busca informacion con pa trece studiante/famia di Islanan Ariba, pa no perde les aki.  Nan lo keda temporal te ora cu e sistema educacional na St. Maarten ta riba pia atrobe.

    Josette Daal di SKOA, a indica cu aunke Aruba no ta prepara, sinembargo ainda no sa ta di ‘cuanto mucha’ por trata.

    El a confirma cu tabatin algun famia cu a bin busca informacion, cu si nan sobrina of sobrino, etc., lo por bin for di St. Maarten, y ki posibilidad tin pa ubica nan den e schoolnan di SKOA na Aruba.

    Segun Daal di SKOA, e dirigentenan mester haci un estudio pa wak con ta bay handle cu esaki.  Ademas, enberdad na St. Maarten, mayoria enseñansa ta na Ingles, mientras cu na Aruba e ta na Hulandes y Papiamento.

    Tog tin di corda cu un mucha tin derecho ariba enseñanza y nan mester di nan paspoort Hulandes, cual lo por ta un rekisito cu SKOA lo pone, ya cu nan ta bin for di St. Maarten.

    Encuanto espacio disponible na scolnan, señora Daal a splica cu tin algun scol cu ta basta yen y tin algun school den barionan cu por ubica e muchanan. Ta depende unda e famia kier ubica e mucha.

    Por ofrece e mucha enseñanza, pero kisas no den e bario di preferencia di e mayor.  E mayor of e familiar mester ta flexibel encuanto e posibilidad di cupo. Famianan mester compronde y sea flexible over di e ubicacion di e muchanan, segun Señora Josette Daal, directora di SKOA.

     

    - Advertisement -

    DUNA COMENTARIO

    Please enter your comment!
    Please enter your name here