Home Turismo Sushedad di tera pa lama ainda ta halto den cierto area na...

Sushedad di tera pa lama ainda ta halto den cierto area na costa

12
0
SHARE
- Advertisement -

ORANJESTAD(AAN): — Castro Perez di Aruba Reef Care Project, a splica cu tin diferente caminda tin cu pone bari, pero poco mas grandi cu tapa. Pero tin algun luga cu ta bezig ta bay purba di reuni cu e organisacionnan grandi, manera APA, organisacionnan cu ta maneha e agencia di e barconan.

Tin hopi plastic cu ta bula for di banda di APA, dump, tur e organisacionnan por yuda duna un man, pa asina por haci e rifnan pazuid di Aruba limpi. Eseynan ta keda constant cu hopi plastic. Ta haci nan limpi, pero despues ta bolbe susha. Ta lugarnan cu mester tin hopi atencion.

Ta manda gruponan banda di e beachnan, unda cu publico ta use mas hopi, pa asina purba na mantene e lugarnan limpi. Pesey ta keda tur aña concientisa, keda bay scol, keda duna lectura di concientisacion, pasobra ta un di e maneranan cu por educa e publico, e muchanan hoben, pa mañan por mantene nos isla limpi.

Efecto

Un ehempel cu por duna ta unda cu tin efecto, ta cu corda cu e prome añanan tabata tin hopi buceador. Den lama hundo, unda cu turista ta bay sambuya, por ehempel na Pedernales, Antillas, e lugarnan ta limpi bao di awa. Ta e parti unda cu e campaña a haci su efecto. E rifnan den profundidad ta limpi limpi.

Si bay eynan, no tin mucho cos di haci. Naturalmente e partinan unda cu lama ta menos hundo, unda cu publico ta uza hopi, logicamente tin biaha nos publico mes ta sush’e, of e biento fuerte cu nos tin ta pone cu yen di desperdicio ta bula bay den lama.

Campaña

Perez kier purba pa organisacionnan of porta nan mes lo bay haci’e, cierto camindanan, ta pensa semper den e barinan un tiki mas grandi cu tapa, cu ta wanta steady, cu biento no ta bula nan. Nos mester concientisa nos publico tambe.

Si un hende ta conciente cu e bari a bay over of yen, bay cu sushi cas. Riba medionan social tabata tin algun caminda cu potretnan a wordo saca cu e hendenan den fin di siman tin fiesta, etc., pero na final a laga e desperdicio canto di lama y esey ta hopi tristo.

Esey ta loke cu tin cu traha riba dje, of caminda cu tin ley pa medio ambiente, cu polis por duna un boet bon grandi. Haya e hendenan eynan ta laga nan desperdicio, por clapnan un bon boet y asina nan ta siña. Hende mester wordo educa bon. Si bo ta bon educa, si bo bay cu bo desperdicionan cas, bo sa cu bo no ta bay haya un boet. Pero si bo ta hecha baina, tin e chens semper cu bo por hayabo den problema y bo ta haya un boet. Pero mester tin mas control tambe, Perez a finalisa.

- Advertisement -

DUNA COMENTARIO

Please enter your comment!
Please enter your name here