Home Enseñanza Ta admirable e atencion cu ATA tin na esnan di EPI y...

Ta admirable e atencion cu ATA tin na esnan di EPI y Universidad di Aruba

41
0
SHARE
- Advertisement -

ORANJESTAD (AAN): Riba invitacion di Aruba Tourism Authority, pa marca Dia Mundial di Turismo, socionan local a reuni diamars mainta12 di september durante e conferencia anual di A.T.A. pa conmemora Dia Internacional di Turismo. Parti atardi, manera ta costumber di A.T.A., a regala studiantenan di Universidad di Aruba di e facultad Hospitality, Tourism Management & International Studies y EPI sector Hospitality & Tourism, un seccion cu presentacionnan y oradornan riba e programa di mainta. Oradornan tabata Ronella  Tjin Asjoe-Croes, C.E.O di Aruba Tourism Authority, Olivier Henry-Biabaud, CEO di e agencia Tourism Competitive Intelligence y Gregg Wasiak y John Speers di e agencia di publicidad Mericano pa Aruba, The Concept Farm.

Durante su presentacion di atardi cu e studiantenan, Tjin Asjoe-Croes a ilustra unda Aruba ta y unda e ta bayendo. Desde di introduccion di A.T.A. Sui Generis na 2011, por lo general metanan a base di e 4 indicadornan principal a ser cumpli. Por nota e averahe di crecemento anual pa cada un di e indicadornan pa cu e periodo di 2011 pa 2016: Stay-Over Arrivals: +5%, Tourism Receipts: +4%, RevPar: +5%, Cruise Arrivals: +2%.

Aki tambe a duna di conoce kico ta spera pa loke ta e 4 indicadornan principal nacional; pa 2018 a inclui como proyeccion un crecemento di 3.7% den ‘stay-over arrivals’ (turistanan di estadia). Un cremento di entre 2% y 3.5% den Tourism Receipts. Un resultado di 0.8% pa cu RevPar, segun AHATA y teniendo na cuenta cu un cantidad di camber di hotel lo ta for di circulacion otro aña, conforme planes di renovacion di camber. Pa cu turismo crucero ta proyecta pa crece cu un minimo di 7% den cantidad di bishitante crucero.

Aruba ta chikito y ta depende den su gran mayoria di turismo. Pesey ta importante pa envolucra e studiantenan y tur esnan cu ta traha den turismo pa conscientisa un y tur riba e importancia di tin un desaroyo duradero. Tjin Asjoe-Croes a pone enfasis cu mester tuma accionnan consistente y bon calcula pa asina conserva y proteha sigur 3 aspecto cardinal cu ta forma fundeshi di nos desaroyo turistico cu ta; nos playanan, nos hospitalidad y e seguridad cu nos destinacion ta brinda.

Ademas durante e atardi, sr. Olivier Henry-Biabiaud, a comparti resultado di su estudionan na unda a resalta cu Aruba mester enfoka mas riba autenticidad y su cultura. Akinan hobennan un bez a bay di acuerdo y hasta demostra apoyo den desaroyo di un producto turistico den balansa cu Aruba su identidad berdadero. Despues nan a haya un presentacion di e agencia di publicidad global Concept Farm cu a presenta conceptonan pa Aruba su siguiente campaña di publicidad nobo den Norte America. Esaki a cay den bon tera cu e hobennan cu a sinti nan mes identifica den esaki, y na mes un turno a inspira patriotismo y amor pa nan isla.

C.E.O di Aruba Tourism Authority tambe a elogia e presentacion/interes di e studiantenan pa celebra Dia Mundial di Turismo. “Pa varios aña caba, desde inicio di A.T.A. Sui Generis na 2011, ta invita  Universidad di Aruba di e facultad Hospitality, Tourism Management & International Studies y EPI sector Hospitality & Tourism pa presencia e presentacionnan di nos oradornan invita pa cu e celebracion special di Dia di Turismo. E ta bunita pa mira e interes di nos futuro generacion y pa mira kico nan kier wak den turismo y e cambionan/adapcionnan cu nan lo kier introduci den nos destinacion como un isla cu ta sigui crece como destinacion turistico.”

- Advertisement -

DUNA COMENTARIO

Please enter your comment!
Please enter your name here