Home Turismo Ta aplaudi dialogo referente turismo pero ta boga pa esaki ta constructivo...

Ta aplaudi dialogo referente turismo pero ta boga pa esaki ta constructivo y al caso

13
0
SHARE
- Advertisement -

Reaccion di A.T.A.

ORANJESTAD   (AAN) – Aruba Tourism Authority ta felicita Aruba cu e eleccionnan recien, un proceso sumamente importante y refleho di e democracia cu nos ta goza di dje.

Como e autoridad di turismo di Aruba, y considerando dependencia di nos pais y comunidad riba turismo, nos ta lamenta e biahanan cu e organisacion di A.T.A. y su ekipo a wordo envolvi den ponencianan politico, infunda y no al caso, muy en especial durante reciente campaña electoral.

Ta encurasha dialogo referente turismo y ta haya esaki di sumo importancia, pero ta refuta alegacionnan y ponencianan infunda cu ta atacha credibilidad di e organisacion, su maneho y e ekipo completo.

Ta asina cu A.T.A. ta pone hopi enfoke riba su maneho, cu ta inclui auditoria efectua pa companianan independiente, cu ta controla A.T.A., riba un base mensual y anual.

Desde aña 2011, ora cu A.T.A. a bira independiente, nos ta orguyoso di por a cumpli debidamente y continuamente cu e Relato Financiero Anual y auditoria financiero cu un ‘goedkeurende verklaring’ anualmente.

Aña pasa, e procesonan di auditoria di A.T.A. tambe a inclui un revision completo di Centrale Accountantsdienst cu resultadonan positivo tambe.

Mester delinea cu control riba maneho y actividadnan di e organisacion ta ancra den ley. Conforme ley ta remarca tambe cu e Hunta di Supervision di A.T.A. ta supervisa maneho di parti di gerencia tambe. Asina por menciona mas aspecto con e instituto ta wordo maneha den un forma transparente y responsabel.

Claro cu maneho ta encera cu puntonan di mehoracion tambe ta wordo identifica y traha riba nan. Como un organisacion dinamico y constantemente den movecion, A.T.A. lo keda enfoca riba fortalece su maneho, actividadnan y accionnan.

A.T.A. y su ekipo lo sigui traha duro y cu positivismo, pero ta boga pa e aspectonan menciona akiriba wordo teni na cuenta. Mas ainda ta boga pa dialogo constructivo y al caso referente e pilar di nos economia, esta nos turismo. Ta gradici tambe pa e aporte cu semper e ta haya di diferente medio di comunicacion den trece informacionnan importante y corecto dilanti.

- Advertisement -

DUNA COMENTARIO

Please enter your comment!
Please enter your name here