Home Gobierno Ta spera cu pa fin di aña of comienso di otro aña...

Ta spera cu pa fin di aña of comienso di otro aña full Green Corridor lo ta cla

174
0
SHARE
- Advertisement -

ORANJESTAD(AAN): Ainda no ta sinti e Vierbaansweg. Ainda mainta trafico ta pega, etc. Minister di Infrastructura, Benny Sevinger a splica cu ainda e caretera no ta 4baans. Ainda ta trahando riba e lane. Ainda rotonde no ta cla ainda, parkenan cu no ta cla, conexionnan cu no ta cla.

Lo sinti e movecion na e momento cu e proyecto ta completamente cla. E proyecto aki ta uno cu a wordo diseña pa wordo construi den dos aña. Ta yegando e termino eynan, pa fin di e aña aki. Ta spera cu pa fin di aña y comienso pa e aña nobo, ta completamente cla cu Green Corridor.

E ora e parti di mantencion, e parti di e cosnan chikito cu falta, mata cu falta, lo mester wordo concretisa. Pero pa December/Januari, ta supone cu e ora cu ta completamente cla, cu pueblo por haci uzo di e caminda manera cu e ta diseña.

Pa por hay’e completamente, e ta bay tarda un tiki pasobra ta bin vierbaans, te na e rotonde di Playa y despues tin cu subi e vierbaans cu ta di Watty Vos Boulevard cu ta den pleno ehecucion awor aki y esey lo bay tarda mas cu un aña prome cu e ta cla.

E ora lo tin henter un backbone cla cu ta un vierbaans for di Oranjestad, for di sector di hotel, te na San Nicolas. E ora lo bo sinti e feeling cu bo a gana tempo, bo ta core sigur, no tin trafico di contrario cu por causa accidente. Rotondenan cu ta baha velocidad na momento cu hendenan mester yega eynan, trafico lo move mas.

Ta trahando riba dje. Ta pidi un tiki mas pasenshi na comunidad, pero tur hende por mira cu e proyecto ta wordo traha riba dje, ta wordo realisa y cu ta bay keda cla den e proximo lunanan y den e caso di Watty Vos Boulevard, den e proximo aña lo ta cla pa esaki.

E ora lo tin un infrastructura, pa carga nos pa e siguiente nivel, tanto economico, social, siguridad. Tur esaki ta depende di e dos careteranan aki, cu ta careteranan cu pa mas di 30 aña a papia riba dje, pero e Gobierno aki por bisa cu a cumpli cun’e.

 

- Advertisement -

DUNA COMENTARIO

Please enter your comment!
Please enter your name here