Home Enseñanza Tema: “All Inclusive” enfoca riba fusion di aspecto racional cu iracional

Tema: “All Inclusive” enfoca riba fusion di aspecto racional cu iracional

34
0
SHARE
- Advertisement -

Apertura di Aña Academico U.A 2017-2018:

ORANJESTAD (AAN) – Diasabra 9 di September, tabata tin e Apertura di Aña Academico di Universidad di Aruba 2017-2018.

Rector di U.A, mr. Glen Thode, den entrevista cu Matutino DIARIO, a elabora tocante e ceremonia aki. El a menciona cu tur aña ta enfoca riba un tema, y e aña aki tabata “All Inclusive”.

“Pero mas bien el a bay riba e hecho cu hopi biaha den e mundo Academico nos ta wak solamente e aspecto racional y logica pero hopi biaha aunke bo prepara algo logico y racional, ora di tuma decisionnan loke ta determinante si bo tin exito of no, ta otro tipo di coriente, di energia, cu ta bao di superficie no racional. E ta hopi mas basico, e tin di haber cu emocionnan”, mr. Thode a subraya.

Diasabra a mustra con ta inclui e parti racional y logico cu e aspectonan emocional, cultural, den e forma con bo ta anda cu bo retonan.

E tema a bay hopi bon, e sala tabata bastante yen, mr. Thode a haya feed back di varios persona, cu e tema tabata interesante y a pone nan pensa. E orado principal ta un persona cu a fungi como Huez na Aruba, na Hulanda e tabata Parlamentario, y ta forma parti di e Comision Permanente di e Relacionnan den Reino Hulandes.

Den esaki el a trece algun cambio pasobra antes unda cu tabata tin diferente debate cu tabata resulta den pleito entre e Parlamentonan di e paisnan di Reino, el a haya un forma door di ta mas “all inclusive” pues di inclui e aspectonan no racional cu e aspectonan no racional, el a logra cu e parlamentonan por a haya otro y a bin cu un proposicion pa pasa un regla pa ora cu tin conflicto entre e paisnan di Reino, resolve nan. Pesey mr. Thode a invite pa e bin comparti con e ta haci algo asina.

- Advertisement -

DUNA COMENTARIO

Please enter your comment!
Please enter your name here