Home Enseñanza Tin di busca forma pa duna curso di ACP na tur trahador...

Tin di busca forma pa duna curso di ACP na tur trahador den Turismo cu no ta local

20
0
SHARE
- Advertisement -

ORANJESTAD (AAN): Na Aruba, e programa di ACP, esta “Aruba Certificacion Program” pa bo bira ‘experto di Aruba”, lamentablemente no ta obligatorio pa e isla.

Pero otro paisnan si a haci esaki algo obligatorio, segun Indra Zaandam a indica na DIARIO.

Esey nifica, cu cualkier persona cu ta bay opera den e industria di turismo mester tin e certificacion eynan.

Aruba no a yega na e punto ey ainda. E meta ta pa crea e importancia cu cualkier partner, no solamente Gobierno of cierto partnernan, cu un tipo di programa di certificacion asina, ta sumamente importante.

Tin cu haci e trabao tambe pa mustra cu por brinda e calidad pa asina e personanan por participa. Mester imagina cu hopi biaha ta durante orarionan di trabao, cu ta perde un persona cu ta traha por ehempel den cushina, pa atende e curso.

E lesnan a haci nan mas cortico. Prome e tabata nuebe sesion di mita dia, esta di 9 pa 12. Esaki a worde mira como hopi largo pa dunadonan di trabao, pa perde un empleado asina. Awor aki a haci nan mas cortico, esta seis dia, incluyendo un excursion, unda cu ta hiba e personanan na e areanan di interes of atraccion y e modulenan ta worde traha di tal forma.

Ta cuminsa cu informacion general di Aruba. Despues ta sigui cu informacion mas detaya di nos cultura, historia y nos naturalesa.

Sigui pa e parti di industria mes, esta esun turistico y con el a bin di ta di loke e ta awor aki y tambe ta papia di servicio excelente. Ta papia di hospitalidad y servicio y ta caba cu un modulo cu yama sostenibilidad. Locual cu a bisa ta cu e ta hopi dificil pa bo traha den un industria, pa bo bende un producto y bo no conoce e producto. Suzana Romero, Giovanni de Windt y Indra Zaandam mes ta duna e curso aki. Nan tin un oficina na LG Smith Boulevard 388. Ta haci sesionnan eyden di maximo 12 hende. Ta facilita e doñonan di trabao door di yega cerca nan. No mester worde pa e hendenan tin transporte. E curso ta cinco dia, incluyendo un excursion den veld.

E curso mes ta ser duna na Papiamento pa asina e hende por haya sa mas di kico tur Aruba ta consisti. Pero e parti di amabilidad ta keda na e trahado mes segun Indra Zaandam.

Zaandam a splica DIARIO, cu nan a caba di lansa un modulo mas compacto pa e supervisornan. Esey a bay na Ingles. Ta bay tin un di dos. Esey ta haci’e den forma di programa piloto. Awor aki e ta na Papiamento bayendo pa Ingles.

Corda cu den turismo na Aruba, tin trahadornan cu no ta local, no tin e amabilidad manera nos Arubianonan tin. Zaandam a splica cu loke ta pasa, cu e amabilidad, e no ta algo cu ta tangibel. E no ta algo cu bo por cumpra, e no ta algo cu bo por train un hende.

Esey no ta djis  hendenan cu a inmigra pa Aruba. Tin cu compronde bon, cu por ehempel, for di su antecedencia di Parke Nacional, hopi hende na Aruba tin e informacion corecto y consistente di Aruba, pero hopi otro hende no tin’e.

Zaandam mes cu ta draai e programa aki, ta ripara e informacion inmenso cu e falta di su mesun pais. Eynan caba ta bira hopi dificil, pa como ciudadano y Arubiano ta inspira riba Aruba, si no tin e informacion.

Si un hende bin di afo y no ta inspira tocante Aruba, con por splica un turista kico ta cordialidad, si e mes no sa kico e ta. Hopi biaha locual a haci den e curso ta, Aruba ta un pais increibel y impactante. Ta bay un caminda, semper tin un conexion cu Aruba. Hopi hende no sa cu nos tabata un refinador number 1 den epoca di guera of na por ehempel na Eagle Beach tabata tin un refineria y no ta pasobra a bin agila Aruba. Aruba ta rico den su historia. E historia industrial di Aruba a conduci tambe na diferente cultura cu a bin. E cordialidad cu nos tin, ta netamente door di e mescla cu nos tin di diferente cultura, cuminda, idiomanan. Si nos mes no tin esey pa por traslada esaki den e personanan aki, ken cu bin biba aki no ta sinti e pasion cu nos tin pa nos pais. E ta bira hopi dificil pa por mantene esey, Zaandam a splica.

 

- Advertisement -

DUNA COMENTARIO

Please enter your comment!
Please enter your name here