Home Tempo Tin dos ciclon tropical ainda ta draai den Oceano Atlantico

Tin dos ciclon tropical ainda ta draai den Oceano Atlantico

181
0
SHARE
- Advertisement -

ORANJESTAD    (AAN):  Tin di remarca cu tin un ola tropical cu a pasa nos region den oranan di anochi pa marduga, pero esey no a trece mucho awacero. Unico cos cu el a bin cun’e, ta stof di Sahara. Aki por mira cu visibilidad lo cay un tiki pa e proximo dianan.

Horcan

Tin dos ciclon tropical ainda ta draai den Oceano Atlantico. Por lo general ta eynan nan lo keda. Mirando e proyeccionnan a termino largo, no ta mira mucho desaroyo den e proximo cinco pa shete dianan. Loke tin di remarca tambe ta cu temporada di horcan no a caba.

E ta te na fin di November e ta caba. Ainda por tin algun ola tropical cu lo sali for di Africa. Awor tin cu cuminsa enfoca mas den October, pa e sistemanan frontal cu ta sali for di Merca. Tin biaha nan ta sali para den golfo di Mexico of para mas den Mar Caribe y eynan por haya cu sistemanan tropical por forma.

Por bay mira cu paulatinamente e chens di formacion tropical ta shift entre Africa cu Caribe, pa entre Merca cu Caribe, pa e proximo lunanan. Ta siguie di cerca pasobra temperatura di lama ta calor.

Hasta Aruba su lama rond di waf tabata yega rond di 30 grado Celsius. Awo cu biento ta pick up, ta spera cu e ora e temperatura ta bira tiki mas normal, toch keda ainda tiki halto den e proximo dianan.

Mirando estadisticanan di e profesionalnan di Colorado State University, a indica cu e temprada di horcan tabata basta mas halto cu na comienso di aña a keda premira. Esaki ta door di e factor di El Niño y no a desaroya y lama cu tabata hopi cayente. E lama tabata cayente aña pasa tambe, pero tabata tin factornan den atmosfera cu tabata stroba.

E aña aki atmosfera a yuda, combina cu e lama cayente, e temporada tabata hopi activo. September 2017 lo bay ta un di e lunanan di loke a midi pa cantidad di ciclonnan tropical of con largo a mantene nan mes ta bay ta mas halto den e ultimo añanan cu tabata tin.

 

Sismo

Ta dificil pa compara calor cu sismo. Pero loke si Aruba mester sa cu nos ta den un area cu por tin temblornan suerte. Aruba tin suerte y te ainda no a haya un temblor activo. Tin luganan cu por crea sismo fuerte y tambe pazuid di nos den e parti sur America tin caminda cu por crea sismo fuerte cu por causa temblor na Aruba. Pesey Meteo a inverti den aparatonan sismologico pa por registra ora cu tin temblor.

 

- Advertisement -

DUNA COMENTARIO

Please enter your comment!
Please enter your name here