Home Gobierno Tur resultado di eleccion lo worde pasa via stadhuis pa prensa

Tur resultado di eleccion lo worde pasa via stadhuis pa prensa

106
0
SHARE
- Advertisement -

ORANJESTAD(AAN): Sharin Luydens, directora di Censo, a comenta cu e trahadonan di Censo, ta esunnan cu ta hinca e resultado cu haya for di urna den un file di Microsoft Excel.

E Excel spreadsheet eynan ta bay via Core NV, cu ta e compania cu a traha e software pa e proyeccion di e resultadonan cu ta bay den un kantoor y lo proyecta esakinan. Conhuntamente tambe e IT team di Censo mes.

Peticion special:

Luydens a splica cu a tuma sugerencia di canalnan di television. Loke por por, loke no por, no por. Hoofdstembureau ta responsabel pa proyecta e resultado. Logicamente caminda por tin eficiencia, ta promove esey semper y caminda cu por por.

Tur cos lo tuma luga den stadhuis:

Den stadhuis ta pa prensa. Proyeccion pa resultado ta pa prensa. Ley ta prescribi, cu tur urna tin un caminda destina cu publico por ta. Tanten cu e orden publico ta na ordo. Tambe lo ta bon pa ripiti, pasobra hopi hende no sa y ta pidi pa ripitie, ta cu bo tin cu tene cuenta cu e presidente ta e autoridad di e urna ey. Cada presidente ta e autoridad den cada urna. E mester sigui su ordennan al pie de la letra. Tin cu corda tambe algo hopi importante, ora cu e dunabo e stembiljet eynan, bo tin cu bay den e hoki, eherce bo voto y hink’e den e buzon di biaha. Si bo no haci esaki of bo habri e plania, e voto ey ta worde kita y ta worde haci onbruikbaar.

Con mester marca e stembiljet:

A manda un foyeto na tur cas caminda cu e ta poni bon cla, kico tur ta un voto valido y kico tur ta un voto invalido. Un voto valido por ta un cruz, un checkmark (v). bo ta yena e bala cora completo. Pero e mester worde yena cu e potlood cora cu bo ta haya den e stemhok. Por lo general, bo yena dos bala cora of bo pone cualkier bijvoeging of aanduiding, ta bira invalido. E flyer eynan, ta disponibel na www.censo.aw, den algehele process, verkiezingen 2017, bo ta haya flyer, stembiljet, tur informacion cu mester di dje pa eleccion 2017.

Carchi di voto

E reaccion tabata hopi abao. Por lo menos un 30 persona pa dia, cual ta un response hopi abao. E ultimo siman aki por a pasa durante oranan di trabao. Lo haci un duplikaat y riba dia di eleccion tambe lo duna duplicado te cu 6’or y mey di atardi.

 

- Advertisement -

DUNA COMENTARIO

Please enter your comment!
Please enter your name here