Home Hudicial Un sospechoso di asalto arma na La Estrella laga liber

Un sospechoso di asalto arma na La Estrella laga liber

218
0
SHARE
- Advertisement -

Pa motibo di su salud

ORANJESTAD (AAN): Un di e sospechosonan di asalto arma na Estrella ayera mainta a worde laga liber, pendiente di tratamento di e caso dia 1 di December 2017. Ta trata aki di e muher Arubiano M.B. Tanto Fiscal como Hues a bay di acuerdo cu e punto treci padilanti di e abogado mr. Edwards. E sospechoso M.B. lo mester cumpli cu condicionnan specifico stipula.

LAGA SOSPECHOSO LIBER:

Abogado mr. Edwards kende a representa e muher M.B., ayera mainta a pidi Hues pa lag’e liber pa motibo di su salud. E abogado a bisa Hues cu M.D. a admiti tur cos. Na opinion di e abogado, M.B. su participacion tabata hopi limita. El a bisa Hues cu su cliente a worde usa pa armanan y droga pero no tin nada di haci den e asalto arma na La Estrella.

REACCION FISCAL:

Fiscal a bisa cu e no ta mira motibo pa laga M.B. liber awor siendo cu e caso lo ta na December 2017. Sinembargo teniendo cuenta cu su salud, e no tin nada contra pa libertad temporal te dia di e caso. Fiscal a bisa cu ta di dos biaha cu e caso ta keda posponi y no ta culpa di M.B. El a bisa cu ta pone condicionnan entre otro cu M.B. lo mester presenta dia di e caso.

DECISION DI HUES:

Hues a dicidi cu e ta aproba pa laga M.B. liber te 1 December 2017 y mester cumpli cu condicionnan. Esaki mirando cu Fiscal no tin nada contra pa cu su salud.

 

- Advertisement -

DUNA COMENTARIO

Please enter your comment!
Please enter your name here