Home Enseñanza VanEps Kunneman VanDoorne premio di scriptie otorgá na Aruba

VanEps Kunneman VanDoorne premio di scriptie otorgá na Aruba

20
0
SHARE
- Advertisement -

ORANJESTAD(AAN)— E  premio di scriptie na Aruba di VanEps Kunneman VanDoorne, a wordo gana e aña aki dor di Francis Caceres. E premio a wordo entregá na dje door di abogado Brechtje Huiskes,  durante un ‘Award Night’ spesial di e University of Aruba. E premio di scriptie tur aña ta wordo otorga na e miho scriptie di graduacion di studiantenan di ley na e University of Aruba.

E aña aki tres scriptie, cada un cu un evaluacion di ocho of mas halto, a bini na remarke pa e premio.  E comision di evaluacion, consistiendo di dos miembro di e staf científico di e facultad di ley y tres abogado di VanEps Kunneman VanDoorne -Tom Peeters, Brechtje Huiskes y Aubrich Bakhuis – tabatin e tarea ferfelo di scoge un ganador for di e tres scriptienan. Corespondiendo cu esaki a tene cuenta cu diferente criterio, entre otro e relevancia social, e structura di e hustificacion huridico y originalidad.

Francis Caceres a gana e premio di scriptie ku su scriptie ‘Afval op Aruba’. Segun e comision di evaluacion Caceres a presenta un materia complica na un manera accesibel y den su documento ta duna un resumen cla di e legislacion tocante sushi na Aruba.

Brechtje Huiskes ta bisa: “E scriptie ta trata un problema coriente cu Aruba mester atende e añanan benidero.  Caceres no solamente a skirbi un scriptie solido pero a logra di duna recomendacionnan specífico enfoca riba e situacion Arubano. Esey segun e comision ta haci’e ganador hustificá”.

VanEps Kunneman VanDoorne ta duna hopi balor na bon educacion den e comunidat di Caribe. E ofisina p’e motibo ey ta sostene diferente iniciativanan riba e tereno aki, entre otro e otorgamento di premio di scriptie anual na Aruba y Corsou. Otro ehempel ta dunamento di sosten den ‘moot courts’ y duna (gast)college.

 

- Advertisement -

DUNA COMENTARIO

Please enter your comment!
Please enter your name here