Home General WEB Aruba NV cu donacion di 15 mil na Briyo di Solo

WEB Aruba NV cu donacion di 15 mil na Briyo di Solo

39
0
SHARE
- Advertisement -

ORANJESTAD (AAN): E compania WEB Aruba ta uni cu otro instancianan cu un donacion di 15 mil Florin na Pasadia Briyo di Solo. Diahuebs ultimo CEO sr. Luis Oduber hunto cu sr. Francis Ras, sectormanager di Asuntonan di Operacion Tecnico di WEB, a otorga e cheque na señora Jeta Figaroa di Briyo di Solo y señora Els van Homelen di SVGA.

Manera conoci, tres lokaal di e centro na augustus ultimo a kima completamente, cu consecuencia cu 60 cliente no por haya e ‘opvang’ necesario.

E donacion lo yuda den e gastonan pa reconstrui y ekipa e lokaalnan. Señor Ras ta splica cu ta costumber di WEB pa contribui na comunidad ora ta ehecuta un proyecto na WEB.

Den e caso aki a haci e donacion den cuadro di e proyecto pa construi e Sunrise Solar Park na Lago Heights. Di e manera aki e proyecto di e solar park no solamente ta contribui na un suministro di energia sostenibel, pero tambe e ta yuda pa laga solo briya back na Pasadia Briyo di Solo.

- Advertisement -

DUNA COMENTARIO

Please enter your comment!
Please enter your name here