Home Tempo Workshop riba metanan di desaroyo sostenible ta bay enfoca entre otro riba...

Workshop riba metanan di desaroyo sostenible ta bay enfoca entre otro riba importancia di nos laman

9
0
SHARE
- Advertisement -

ORANJESTAD(AAN): Servicio Meteorologico di Aruba  hunto cu UNESCO a organiza un workshop hopi importante di 10 dia pa Aruba, cu a cuminza Dialuna mainta.

Durante un entrevista Drs. Marc Oduber, kende ta e asina yama ‘Science Liaison’ di UNESCO pa Aruba, a splica cu e workshop ta relata cu e metanan di desaroyo sostenible, esta ‘Sustainable Development Goals’(SDG) y con pa prioritiza nan.

Oduber a splica cu ora cu el a bay e asina yama ‘Ocean Conference’ di Nacionnan Uni, e hunto cu hefe di e comision di SDG di Aruba Jocelyne Croes el a wak e workshop y nan a dicidi di trece e workshop pa Aruba, usando fondonan di UNESCO.

Expertonan a wordo invita pa duna presentacionnan riba entre otro e importancia di laman, specialmente pa un isla chikito manera Aruba cu ta practicamente biba di laman.

E SDG’s ta mara na cierto tareanan, pues pesey diferente departamento y NGO’s ta participa na e workshop.

Oduber a indica cu ta bay tin modelonan cu lo wordo implementa, pa entre otro monitor laman hopi mihor.

Algun di e instancia, organizacion y departamento cu ta participando na e workshop ta Parke Arikok, DOW, CBS, Economische Zaken, NGO’s y Rampen Bureau.

“Durante e 10 dianan di e workshop e expertonan cu a bin ta bay haya un training riba e ‘framework’ cu ta wordo hasi, despues di cual nan por uza e framework riba otro aspectonan di ley, manera tratadonan riba asina yama ‘Biodiversity Target’”, segun Oduber.

Mirando cu mundo a cambia, Sustainable Development Goals ta un plan cu a wordo implementa pa diferente pais rond di mundo, pasobra nan kier pa mundo yega tal caminda pa aña 2030.

 

- Advertisement -

DUNA COMENTARIO

Please enter your comment!
Please enter your name here