Home Hudicial 15 luna di prison pa homber cu a haci actonan inmoral cu...

15 luna di prison pa homber cu a haci actonan inmoral cu mucha muher di 7 aña

588
0
SHARE
- Advertisement -

Segun e acusacion ta durante 4 aña y diferente biaha

ORANJESTAD (AAN):  Recientemente Corte den Promer Instancia a condena un homber na 15 luna di prison pa a haci actonan inmoral diferente biaha cu un mucha muher di 7 aña.

HUES NO TABATA KIER PUBLICIDAD

Lamentablemente DIARIO no por a cubri e caso aki pasobra e Hues cu tabata atende e caso, apesar cu abogado di e sospechoso y Fiscal a bisa cu no tin nada contra pa trata e caso cu portanan habri, Hues a dicidi cu ta trata e caso cu portanan sera. Esey a trece cun’e cu tur e personanan presente, otro abogadonan y hasta redactor di DIARIO mester a bandona e sala di Corte. Solamente e mayor y familiar di e victima y familiar di e sospechoso a keda den sala di Corte.

PALABRACION CU CORTE

Aparentemente e Hues aki, por cierto un Hues di Sint Maarten cu a bin Aruba temporal despues di e desaster cu e horcan a haci, no ta na altura di e palabracion cu Corte tin cu prensa pa cu tipo di casonan asina.

DIARIO semper ta respeta decision di Corte y den pasado despues di a reuni cu difunto Hues mr. van der Griendt, a laga prensa cubri casonan di abuso sexual y inmoralidad.

ALERTA COMUNIDAD

E difunto Hues, kende tabata e hefe di e Huesnan e tempo ey, a mustra comprension riba e punto di bista di DIARIO, esta cu no ta interesa den nomber di e victima y tampoco di e sospechoso, teniendo na cuenta cu Aruba ta un comunidad chikito y facilmente lo reconoce e victima y e sospechoso. Loke ta importante ta pa informa comunidad di cosnan cu ta pasa pa asina nan ta alerto.

Door cu e tempo ey Hues a permiti prensa cubri e casonan, por a constata un aumento drastico di denuncianan na KZP. Hopi biaha e lamentable casonan di inmoralidad ta sosode den e circula familiar of di amistadnan di famia. Door di esey, famianan tabata prefera di no bay haci denuncia, pa tapa loke a pasa.

Sinembargo awor por mira un desaroyo hopi positivo caminda door di e publicacionnan di e casonan aki, mas y mas denuncianan ta wordo haci y ta duna e imagen preocupante di cuanto di e casonan aki realmente ta sosodiendo riba nos isla.

CONDENA HOMBER

E homber S., a presenta recientemente den Corte y Hues a bisa cu e ta haya legalmente proba cu entre 27 November 2012 y April 2016, mas biaha a haci actonan inmoral cu mucha muher menor di edad. Pa cu e castigo, Hues a tene cuenta cu e victima ta un mucha di 7 pa 8 aña y cu e homber S. a abusa di mucha y tacha su integridad. E mucha tabata confia den e homber cu tabata wak p’e. Hues a mustra cu ta conoci cu muchanan cu wordo abusa di e forma aki lo por keda afecta. Hues a condena S. na 15 luna di prison kitando e tempo cu e tabata sera.

DIARIO a constata cu e wela di e victima tabata presente den Corte pa scucha e sentencia y por a ripara cu e no a keda nada contento cu e sentencia.

 

- Advertisement -

DUNA COMENTARIO

Please enter your comment!
Please enter your name here