Home Actividad Especial YMCA’s October Camp a laga hobennan satisfecho

YMCA’s October Camp a laga hobennan satisfecho

11
0
SHARE
- Advertisement -

ORANJESTAD (AAN): Durante e siman di 2 pa 6 di October 2017 un cantidad grandi di mucha y hoben a bin hunto pa participa den e tradicional October Camp di YMCA Aruba. E evento ta consisti di tres grupo, un grupo di mucha cu un edad di 4 pa 7 aña, un grupo cu edad di 8 pa 11 aña y un grupo di hobennan cual a consisti di hoben cu un edad di 12 pa 17 aña. Ambos localidad, esta YMCA Dakota y YMCA San Nicolas a acepta participante pa e tres gruponan menciona.

E camp a resulta exitoso, unda tur participante a disfruta di diferente actividad. YMCA Aruba a percura pa tene un schedule varia cu diferente sorto di actividad, por ehempel deporte, cooking and baking, arts & Crafts y actividadnan unda e muchanan y hobennan ta desaroya habilidad pa traha den team y pa comunica na un manera efectivo.

E actividadnan no lo tabata posibel sin e ayudo y guia cu e muchanan y hobennan a ricibi for di e staf di YMCA como tambe e grupo grandi di boluntario. Kende por cierto a haci un tremendo trabao guiando e participantenan.

YMCA Aruba ta gradici su staf y boluntarionan kende a yuda haci e Camp aki posibel. Tambe YMCA Aruba ta gradici tur mayor, mucha y hoben cu a confia di nan organizacion. Hunto nos ta enfoca ariba nos hobennan y nos ta crea lidernan den nos comunidad.  YMCA Aruba ta recorda mayornan pa inscribi na tempo pa e siguiente Camp cual lo tuma luga den April 2018.

- Advertisement -

DUNA COMENTARIO

Please enter your comment!
Please enter your name here