Home Hudicial A bolbe pospone caso di asalto arma fatal na Wayaca

A bolbe pospone caso di asalto arma fatal na Wayaca

88
0
SHARE
- Advertisement -

E sospechoso Chines ainda no tin abogado

ORANJESTAD (AAN): Diabierna mainta un biaha mas Hues a hay’e ta pospone tratamento di e caso. Esaki pasobra e sospechoso Chines, P.F. a presenta den Corte sin abogado. A resulta cu ainda P.F. no a keda cla cu e abogado Hulandes, mr. Spong. Esey a haci cu a bolbe pospone e caso pa December 2017.

SOSPECHOSO SIN ABOGADO:

Diabierna mainta e sospechosonan e Boneriano J.P.E. y e Chines P.F. a presenta dilanti Hues.

Por a ripara cu ningun abogado di P.F. a presenta. Manera DIARIO a publica, e acusacion contra J.P.E. y P.F. ta cu dia 13 September 2016 a tira mata un dama Chines y herida su casa durante un asalto arma y tambe a tira riba e yiu homber.

E sospechoso J.P.E. a haci esaki caminda el a bay cu un suma di placa, telefonnan, cadena y un auto. P.F. ta worde acusa di ta complice y cu el a traha e plan pa haci e asalto arma.

BOLBE POSPONE CASO:

Na Juli 2017, Hues a pospone e caso pasobra e Chines P.F. a bisa cu el a cambia di abogado. Mr. Ruiz ta asisti e abogado Hulandes mr. Spong. E abogado Hulandes, kende no a presenta den Corte, a pidi pa pospone e caso. Hues a pospone e caso pa ayera pero awor ta resulta cu mester bolbe pospone e caso door cu P.F. no tin abogado ainda.

Den sala di Corte tabata presente famia di e victimanan. E yiu muher, den presencia di su tata y e ruman homber, a presenta na Hues tres demanda di daño. El a splica cu un ta di dje, un di su tata y un di su ruman homber.

Hues a bisa cu e intension tabata pa trata e caso pero a resulta cu e abogadonan di P.F. a desisti. Esey ta nifica cu awor P.F. no tin abogado. Pregunta ta ki dia lo bay trata e caso. Segun P.F. pa motibo di asuntonan administrativo no por a keda cla cu abogado mr. Spong. El a bisa Hues cu e lo bay keda cla dentro di 2 siman y mr. Spong lo bay defende.

Fiscal a bisa cu no tin claridad si realmente mr. Spong lo bay defende P.F. El a conseha P.F. pa busca otro abogado pa no tin mesun problema atrobe.

Fiscal a bisa cu 7 December 2017 pa 8.30 or di mainta lo por trata e caso. Hues a puntra si e ta realisabel pa P.F. E sospechoso a bisa cu si.

Abogado mr. Carlo, asisti pa mr. Illes, a bisa Hues cu e biaha aki tin comprension pa cu e situacion di P.F., pero dia 7 December 2017 lo bay door cu e caso cu P.F. tin abogado of no.

E yiu muher di victima kier a lesa un carta pero el a bisa cu e lo haci esey dia 7 December 2017. Hues a bisa cu e ta pospone e caso pa dia 7 December 2017 y si P.F. no tin abogado e lo trata e casonan separa.

- Advertisement -

DUNA COMENTARIO

Please enter your comment!
Please enter your name here