Home Turismo AHATA a laga pone bakinan di sushi na Malmok pa tene e...

AHATA a laga pone bakinan di sushi na Malmok pa tene e area limpi

17
0
SHARE
- Advertisement -

ORANJESTAD(AAN): AHATA ta basta activo den area di Malmok. Vanessa Rasmussen ta miembro di comite di medio ambiente di AHATA y e ta conta di e accion pa asina e area keda limpi. El a splica cu algun siman pasa a tuma nota di comentarionan cu a wordo haci riba e sushedad cu a cuminsa aumenta den e strip di Malmok. A pensa cu ta hopi importante pa mantene e area limpi, pasobra e ta bon bishita door di nos localnan, ora cu nan ta haci deporte, pero tambe door di nos turistanan.

A haya cu e lo tabata un bon idea, e sugerencia cu a trece dilanti di a instala mas baki di sushi. A tuma contacto cu Multimedia International, cual ta e compania cu ta instala y mantene e bakinan di sushi y e proceso a bay hopi lihe. A bin cu e representantenan di Multimedia International pa wak cua ta e areanan cu echt tin mester di e bakinan aki y nan a yuda cu e diseño di e stickernan.

AHATA a bisa nan kico ta e mensahe cu kier trece dilanti riba e stickernan y den un siman y mey nan a keda cla. Esaki ta danki na budget cu e comision di medio ambiente ta traha cun’e. Ta a base di sponsornan cu AHATA ta traha cun’e pero tambe di diferente compania cu nan ta haya fondo, ora cu nan ta organisa fundraising. Esakinan ta yuda pa por haci actividadnan manera esun aki.

Dicon AHATA a dal e stap

Segun Rasmussen, e voluntarionan di e comite, ta trece diferente campaña di concientisacion pa adulto y mucha. A pensa cu AHATA por duna un granito di arena treciendo e bakinan di sushi aki. E budget no ta dje grandi ey pero ta haci un esfuerso pa esaki. Esaki no ta nifica cu esaki ta e solucion, pasobra e ta tuma concientisacion awor di e personanan cu nan ta bishita e area aki pa por fabor, no tira sushi abao, pasobra despues e sushi aki ta bay den lama y e ta daña e bida marino, e ta daña e coralnan cu nos tin.

Cuanto a bin cun’e

A base di loke por a afford, a pone tres baki cu ta cubri mayoria di e strip di Malmok. Tambe tabata tin caba otro companianan cu a sponsor. Esey ta yuda den un manera of otro. Tin otro areanan na Aruba cu tin mester di bakinan di sushi. AHATA ta apela na otro organisacion, compania of Gobierno pa por fabor tene cuenta cu esaki y pa wak si por inclui esaki den nan budget pa 2018, pa asina yuda un tiki pa preveni sushedad cu tin rond.

- Advertisement -

DUNA COMENTARIO

Please enter your comment!
Please enter your name here