Home Turismo Amsterdam Manor y MVC Eagle tambe a participa den Aruba Reef Care...

Amsterdam Manor y MVC Eagle tambe a participa den Aruba Reef Care Projectl aki

50
0
SHARE
- Advertisement -

ORANJESTAD   (AAN): Diadomingo prome di October a tuma lugar e di 23 edicion di Aruba Reef Care Project, un evento organiza pa Aruba Reef Care Foundation y unda cu e team dinamico di empleadonan di Amsterdam Manor Beach Resort a sa di participa un biaha mas, manera ta e custumber for di dia cu e evento a cuminsa. MVC Eagle tambe a participa di e edicion 2017 di e project special aki.

Algun di e areanan di Aruba cu a ser cubri ta entre otro Bushiri Beach, Eagle Beach, Palm Beach, Surf Side, Mangel Halto, Grapefield, y Santana di Cacho. Mientras cu e centro di operacion unda cu e accion a ser coordina tabata Neptali Henriquez Park. Un di e propositonan di e evento aki tabata pa comunidad wordo incentiva pa asina conhuntamente manifesta nan compromiso cu medio ambiente door di yuda mantene nos beach y lama limpi, segun meneer Castro Perez, Presidente di e Aruba Reef Care Foundation.

Tambe ta di resalta varios operador di e watersports a yuda cu e parti di e operacion cu mester a tuma lugar den awa, y pa ora cu a finaliza e project aki, tur participante a ricibi un certificado di aprecio huntu cu un t-shirt di recuerdo.

- Advertisement -

DUNA COMENTARIO

Please enter your comment!
Please enter your name here