Home General Aruba Airlines temporalmente lo usa un jet Bombardier CRJ pa bay Curacao

Aruba Airlines temporalmente lo usa un jet Bombardier CRJ pa bay Curacao

1051
0
SHARE
— E jet a yega Aruba riba Diamars merdia.
- Advertisement -

ORANJESTAD (AAN): Manera ta conoci, Aruba Airlines tabata planea pa cuminza bula atrobe pa Curacao, usando un avion nobo, esta un Dash DH8-300 (yama tambe “Q300”) cu ta usa motor turboprop, entrante Diaranzon 25 di October 2017.

Pero e avion cu Diamars a yega Aruba, NO tabata un Dash DH8-300.

Pa sorpresa di DIARIO, ta trata aki di un Bombardier CRJ.   E avion CRJ ta usa dos motor di jet, pues nada di propeller.

Un fuente a indica cu a usa e avion Bombardier CRJ aki mientras tanto, te ora cu e avion “Q300” mes keda completamente cla.

Vuelonan pa Curacao lo start Diaranzon, y esaki a socede despues di un espera largo, cu un gran demanda di viaheronan.

E avion cu lo bira di Aruba Airlines, lo ta uno turboprop di tipo Q300 (DH8-300) completamente nobo y moderno cu asiento nan di cuero y e body parti pafo lo ta full na color nan di Aruba Airlines mescos cu e Airbus A-320.

E avion di e famia di de Havilland Canada Dash 8 aki tin un capacidad di 50 asiento completamente clase economico unda bo lo sinti bo mes sinta comodamente manera un pasahero den business class.

Pero por lo pronto ta den avion Bombardier CRJ lo sigui viaha.

- Advertisement -

DUNA COMENTARIO

Please enter your comment!
Please enter your name here