Home Comentario ‘ Aruba ta prepara pa atende cu un desaster causa pa un...

‘ Aruba ta prepara pa atende cu un desaster causa pa un fenomeno natural?’

92
0
SHARE
- Advertisement -

Benny Nisbet (PPA):

ORANJESTAD (AAN)– Benny Nisbet, Secretario General di PPA den un comunicado ta bisa cu pueblo por a sigui e destruccion combina cu dolor y tristeza cu e horcannan Harvey, Irma, Maria y ultimo Nate  a causa riba  diferente isla/pais  den Caribe(  e.o.  St Maarten, Puerto Rico y varios otro)  y na Merca estadonan manera  Texas/Florida/ Louisiana  etc.

Especialmente e destruccion riba  isla/pais den Caribe cu en general  no tin suficiente fondo financiero pa hasi e inversionnan necesario especialmente pa e masa di pueblo cu kizas no ta  sigura contra e daño aki.  E hecho cu e consecuencia di  fenomeno natural ta asina den noticia mester pone nos como sociedad puntra nos mes  si nos ta prepara pa e consecuencia natural. Tanto durante e prome dianan despues di un desaster asina  como despues.

Y kico lo ta e sosten cu Aruba y otro Isla den Reino por conta riba dje di  Hulanda den e caso aki sin cu esaki  ta mara na ningun cambio constitucional manera cierto escritor hulandes ta indica p.e. den e caso di St. Maarten.

Tin diferente fenomeno natural cu por tuma lugar……Horcan, Temblor y hasta un Tsunami…..esaki  ta sosode direpiente  sinembargo den future  lo  tin  algo cu no ta natural pero ‘manmade’ cu ta a consecuencia di  cambio di clima cu ta worde yama internacionalmente ‘rising sea waters’!

Dios gracias cu Aruba no ta den e asina yama ‘huricane belt’ pero esey no ta kita for cu  Aruba lo por ricibi un horcan, temblor y/of Tsunami…..y con Aruba como pais/sociedad ta prepara pa atende cu e consecuencia di esaki ? Nos por corda con e yobida torencial algun aña atras  a laga parti di Oranjestad y Noord bao di awa cu No tabata bay pa lama pero cu tabata keda para  destruyendo  cas y negoshi di un gran cantidad di ciudadano/comerciante.

Kico a worde haci pa mehora e sistema pa facilita awa di  yobida pa bay pa lama lo mas pronto cu ta posibel ?   A inverti den e structura  na Aruba ? A inverti den mas pomp cu ta disponibel  ?

RAMPENBUREAU….!!

Esaki ta e instancia di gobierno  di Aruba  cu oficialmente lo mester prepara pa coordina  hunto cu diferente otro instancia di gobierno  cualkier desaster  cu toca nos Isla. Ora nos mira e sufrimento di e poblacion riba diferente isla den Caribe e.o. St. Maarten (frances/Hulandes  y Puerto Rico cu ta teritorio Americano sin kita for diferente  otro Isla den Caribe cu tambe a ricibi un sla formal di e horcanan menciona.

Esaki ta trece e pregunta cunele….Si Aruba ta prepara pa un fenomeno natural  su consecuencia sea un Orcan, un temblor of un Tsunami ??  Con e preparacion na Aruba ta pa atende cu e consecuencia desastroso  di esaki  ?  Aruba tin un  asina yama ‘rampenbureau’  cu ta encarga esaki den coordinacion cu varios departamento di gobierno  pa prepara pa diferente  posibel  fenomeno natural.

E pregunta ta con leeuw e preparacion ta pa atende cu un desaster asina ?  Gobierno a pone suficiente fondo riba presupuesto di  e instancia aki pa  por hasi su trabao debidamente ??  Tin suficiente plan  cu a worde prepara pa sea  un horcan, Temblor of Tsunami  cu afecta Aruba ??

PPA ta menciona e topico aki cu e preguntanan menciona debi na e situacion horibel  cu a toca e Islanan ruman den Caribe ….Aruba NO por sigui  sali for di e punto di salida cu nos ta bendiciona y nada no ta sosode cu nos…. Aruba mester prepara pa cualkier eventualidad y aki  e  rol di nos ‘Rampenbureau’ ta importante  y  ni maske kende ta goberna nos Isla…..e maneho lo mester encera cu e instancia importante aki lo mester ricibi suficiente fondo pa hasi estudio  necesario  riba cualkier  fenomeno natural  y con lo mester actua debidamente ?

UN TSUNAMI COMO EHEMPEL ??

PPA ta consciente cu  ora cu un temblor a worde sinti algun aña atras (na 2009) na  Corsow cu esaki tabata motibo cu instancianan a duna autoridad conseho pa larga hasi un estudio riba e posibilidad di un Temblor  y e posibel consecuencia pa Corsow.  E estudio aki a worde hasi  door di un commission di experto  di  Corsow a hiba e titulo ‘Beoordeling Tsunami gevaar voor het Eilandgebied Curacao’.  E estudio aki a tene cuenta cu un Tsunami  for di diferente direccion  pa e isla di Corsow  esta tres scenario.

  1. “ Magnitude M = 7.5 Zuid Caribishe Deformatie zone (SCDB).
  2. Magnitude M = 8 subductiezone ten zuiden Puerto Rico (MT).
  3. Magnitude M = 8.0  subductiezone ten oosten v/de eilandenboog (P.T./LAT)”

E commission a duna  e Tsunami  un asina jama  ‘risicogehalte’  y a yega na cierto conclusionnan manera  cual parti di Corsow lo por worde ‘inunda’ mas facil …..y cuanto porcentahe di e pueblo ta biba den e sectornan aki.

Y resultado di e estudio aki ta indica tambe  un asina yama ‘gevarenkaart’  cu ta indica e  zonanan na Corsow cu por worde inunda mas facil etc… y unda e pueblo lo por bay  en caso cu tin un peliger asina.

E pregunta  di PPA ta  si un  estudio  a worde hasi pa Aruba tambe  ?  Y kico ta e conclusionnan ? Pasobra nos no ta corda cu algo asina a worde hasi y publica pa e isla di Aruba ? Lo ta bon pa laga sa si un estudio asina a tuma lugar pa Aruba tambe  y  si esaki  No ta e caso  anto PPA lo kier expresa nos preocupacion  na esnan cu ta formando e proximo gobierno di pais Aruba pa tene cuenta cu e tarea importante di  tanto e ‘Rampenbureau’ como otro instancia cu ta envolvi cu ayudo den momento di crisis manera  Cuerpo di Polis, D.O.W.,  Brandweer y algun otro instancia.

Rising Sea levels:

Na mes momento PPA lo kier a recorda riba e  otro  posibel  fenomeno  cu ta worde cualifica como ‘manmade’ cu  ta  causa cambio di clima y rising sea levels. A pasa basta aña desde cu Nacionnan Uni a cuminsa señala di e peliger aki y cu lo mester haci  estudio  pa por limita posibel daño den futuro. Aruba a hasi estudio y kico tabata su resultado…..

Kico ta e maneho cu Aruba ta hiba pa limita daño di e fenomeno di ‘rising sea levels’ … A dedica atencion cu esaki por nifica cu Aruba lo por perde un parti di nos ‘beachnan’ y kico efecto esaki lo tin riba economia di nos pais.  Aki tambe  gobierno y su departamento  esta ‘rampenbureau y otro departamento tin rol nan clave pa despleha. A cuminsa tuma nota di informacion preucupante cu nos ‘mangrovenan’ cu  ta  un proteccion natural  ta den un proceso di muri sin haña e atencion debido pa esaki.

PPA a sinti e necesidad pa expresa nos preocupacion pa nos isla Aruba  den cuadra di e consecuencia dramatico cu otro isla den Caribe ta pasa den y nos ta spera cu esaki lo por sirbi como ‘food for thought’. Sperando cu e proximo gobierno y constelacion di parlamento por tuma nota debido di nos preucupacion y sirbi bienestar general di pais Aruba., segun e comunicado di Sr. Nisbet.

- Advertisement -

DUNA COMENTARIO

Please enter your comment!
Please enter your name here