ORANJESTAD (AAN): Un noticia fenomenal procedente di Hulanda, den cual dos atleta Arubiano a resalta.
E dos atletanan aki a gana peleanan di Shinkokushin Karate na Hulanda, y a bay cu e titulo maximo den nan categoria den karate na Hulanda.
Ta trata aki di Thais Croes kende a gana y titula campeon di Hulanda den Full-Contact Karate, unda el a duna fabuloso prestacion y a saca Aruba su cara como cu, e no a djis bringa y gana, sino el a bringa den un categoria mas pisa normalmente e ta bringa.
Esey ta bin debi cu Thais semper a train cu mucha homber den Dojo y awe e por a mustra esey con hopi el a yuda. Pabien na Thais Croes.
Otro atleta cu tambe a sa di gana den su categoria ta Alexsader Rojas-Lopez, kende tambe a sali campeon di Hulanda den e capeonato aki, Nationale Kampoenschap Shinkyokushin Karate.
Tur dos atleta a bin di Dojo Boyé Martial Arts Center y nan a worde guia door di Allen Boyé.
Bon trabo y sigui mantene Aruba su momber na halto semper! Pabien na e dos Arubianonan cu nan logro grandi pa Aruba! Un tremendo trabao di nan lider Allen Boyé. Pabien!
Aki por mira e atletanan local ora di entrega e priemio nan y final.
