Home General ATIA preocupa cu proceso di “leggerwaarde” na departamento di SIAD

ATIA preocupa cu proceso di “leggerwaarde” na departamento di SIAD

53
0
SHARE
- Advertisement -

ORANJESTAD(AAN): Segun un comunicado di ATIA, pa algun luna caba ATIA ta vigila e proceso di ricibi “leggerwaarde” for di SIAD pa cu transaccionnan di propiedad, benta di cas, extension di tereno etc etc.

Miembronan di ATIA y comercio, pero tambe individuonan cu ta desea di inverti den un cas ta keha con largo procesonan di transaccion ta dura na notarionan pa motibo di e balor cu SIAD tin cu establece.

 

E proceso aki, aunke cu e por wordo mira como un proceso relativamente simple, ta hasi un efecto grandi ariba transaccionnan financiero, y consecuentemente ariba nos economia.

 

Personanan cu ta desea di hasi un transaccion pa medio di notario tin biaha ta warda lunas pa e balor di e propiedad wordo determina door di e departamento aki,  y como consecuencia un actividad economic, cu hopi biaha ta crea trabao den nos sector di construccion, ta tranca.

 

Pa e mesun motibo aki, nos banconan ta haya nan den un situacion cu nan ta cla pa financia un cliente un cas, compra di un tereno, construccion di edificio nobo etc, pero e transaccion no por tuma luga  pa motibo di un departamento cu no ta cumpliendo pa establece  e balor cu gobierno ta duna na e propiedad. E propio gobierno ta perde di ricibi su parti di e transaccion nan aki.

Nos economia mester pa inversion tuma luga eficiente, y no por acepta un situacion causa pa un departamento, cu pa lunas caba no ta funcionando manera mester ta.

ATIA ta spera cu e departamento di SIAD y e minister encarga na e momento aki, presta atencion na esaki pa asina re-establece un servicio cu ta di sumo importancia pa comercio, inversion, trabao, entrada di gobierno, empleo y pueblo en general

 

ATIA ta keda vigila e proceso aki, pero ta spera cu e servicio aki wordo treci bek na un nivel normal, y asina re-establece cu nos sector financiero, construccion, I tur otro transaccion cu ta depende ariba e servicio aki, por ser agilisa na beneficio di comercio, nos economia y tur su efectonan cu inversion eficiente tin pa henter nos pais.

 

 

- Advertisement -

DUNA COMENTARIO

Please enter your comment!
Please enter your name here