Home Policial Auto a drenta completamente den cas na Sabana Grandi

Auto a drenta completamente den cas na Sabana Grandi

497
0
SHARE
- Advertisement -

ORANJESTAD(AAN): Diadomingo atardi alrededor di 3’or, durante cu awa tabata yobe riba henter e isla, un accident a keda registra na Sabana Grandi na Santa Cruz.

Habitantenan a tende un golpi duro, y a spanta tur hende.  Mesora yamadanan a cuminza drenta na Polis y na Cuerpo di Bombero.

Na yegada di Polis a tuma nota cu un Nissan March a drenta completamente den un cas.

A pidi presencia di ambulance, debi cu e persona ta mustra di ta herida.

E chauffeur cu e Nissan March color shinishi scur cu number A-62426, posiblemente ta move cu velocidad halto y caminda muha a tuma e lorada mucho duro.

Debi na esey, e Nissan a slip y baha di caminda, y bay dal den e cas!  E cas no tin cura, pues e vehiculo a bay directo den un camber cu tin na banda di e cas.

Den e camber tabata tin un homber drumi riba su cama pero bon mes, e no a resulta herida.

Asina mes a presencia di ambulance tabata pa Paramediconan haci un check up riba e homber cu tabata den e camber.

Por bisa cu e camber a sufri basta daño y sigur lo mester renobe full back.

 

- Advertisement -

DUNA COMENTARIO

Please enter your comment!
Please enter your name here